سیزن کے پہلے ٹینس گرینڈ سلیم آسٹریلین اوپن ٹینس کے فائنل میں ماریہ شراپوا کا ٹکرا وکٹوریہ آزرنکا سے ہوگا۔ سیمی فائنل میں دفاعی چیمپئن کم کلائسٹرز اور پیٹرا کویٹووا کو شکست ہوگئی۔ میلبرن میں جاری آسٹریلین اوپن سیمی فائنل میں وکٹوریہ آزرنکا نے دفاعی چیمپئن بیلجیم کی کم کلائسٹزکو چھ چار، ایک چھ اور چھ تین کے اسکور سے مات دی۔ آزرنکا گرینڈ سلیم فائنل کھیلنے والی بیلاروس کی پہلی کھلاڑی ہیں اور ٹورنامنٹ کے بعد جاری ہونے والی نئی عالمی رینکنگ میں وہ ورلڈ نمبرون بن جائیں گی۔ روسی اسٹار ماریہ شراپوا نے جمہوریہ چیک کی پیٹرا کویٹووا کے خلاف چھ دو، تین چھ اور چھ چار کے اسکور سے کامیابی حاصل کرلی۔
پی او اے الیکشن، قواعد و ضوابط میں تبدیلی کی منظوری
ایڈیلیڈ: آسٹریلیا مضبوط پوزیشن میں
