سانحہ مستونگ کے بعد بلوچستان حکومت نے ایران جانے والے زائرین کیلئے محکمہ داخلہ سے اجازت اورسیکورٹی کلیئرنس لازمی قراردے دیا ہے۔ دوسو افراد کو اب تک حراست میں لے لیا گیا ہے جبکہ دہشت گردی روکنے کیلئے اے ٹی ایف کا نیا ونگ بنانے کا فیصلہ کیا گیا ہے۔ بلوچستان کے وزیرداخلہ میرظفر زہری کی صدارت میں اعلی سطحی اجلاس ہوا جس میں سیکیورٹی کے مختلف امور زیربحث آئے۔ اجلاس کے دوران اس بات پر اتفاق کیا گیا کہ مستونگ واقعہ زائرین کی بسوں کوسیکورٹی کی فراہمی کے طے شدہ طریقہ کارپر عملدرآمد نہ ہونے اورمتعلقہ ٹرانسپورٹرز اور انتظامیہ کے درمیان رابطے کے فقدان کی وجہ سے رونما ہوا الجاس فیصلہ کیا گیاکہ آئندہ ایران جانے والے زائرین کیلئے محکمہ داخلہ سے اجازت اورسیکورٹی کلیئرنس لازمی ہوگا۔ اجلاس میں بتایا گیا کہ سانحہ مستونگ کے خلاف کوئٹہ اورمستونگ انتظامیہ نے مختلف مقامات پر چھاپے مار کر دو سو سے زائد افراد کو گرفتار کرکے تفتیش شروع کردی ہے جبکہ بلوچستان حکومت نے زائرین کو لے جانیوالی ٹرانسپورٹ کمپنی کا پرمٹ منسوخ کر دیا ہے۔
ڈینگی ٹیسٹ کی فیس مقرر کرنے کیخلاف دائر درخواست مسترد
کراچی : ڈاکٹر سیمی جمالی پر برین ہیمرج اور فالج کا حملہ
