ممبئی: (جیو ڈیسک) بالی ووڈ فلم کاک ٹیل نے ریلیز سے پہلے ہی دھوم مچادی۔ فلم کے ٹریلرکو یوٹیوب پر بیس لاکھ بار دیکھا گیا۔ فلم کے ٹریلر میں ایسی کیا خاص بات ہے۔
فلم کا تو پتہ نہیں البتہ کاک ٹیل کا ٹریلردیکھ لگتا ہے فلم میں مستی، شرارت اور بالی ووڈ کے تمام روایتی اور غیر روایتی مصالحے موجود ہیں۔ فلم کاک ٹیل کہانی چاردوستوں کی ہے۔ جنہیں نہیں معلوم کہ کون کس سے کرتا ہے پیار۔ گوتم یعنی سیف علی خان کی ممی نے ڈھونڈلی ہے اس کیلیے ایک لڑکی مِیرا جسے وہ گوتم کے ساتھ لندن بھیجتی ہیں۔ مِیرا کوہوجاتی ہے محبت گوتم سے، لیکن گوتم کو ملتی ہے ڈانس پارٹی میں ایک اور شرارتی لڑکی ورونیکا۔
گوتم کو نہیں معلوم کہ ورونیکا پہلے سے ہی کرتی ہے کسی اور سے پیار۔ گوتم سے دوستی ورونیکا کے دوست کو راس نہیں آئی اور وہ ورونیکا کو چھوڑ کر پیچھے پڑجاتا ہے مِیرا کے۔ محبت کی بھو ل بھلیاں اور کھیل تماشے۔ فلم کے دھماکے دار ٹریلر نے پہلے ہی توجہ حاصل کرلی ہے شائقین کی۔ ۔جسے دوملین بار یوٹیوب پر دیکھاگیا۔ سیف علی خان کی ایجنٹ ونود تو ہوئی فلاپ مگر لگتاہے کاک ٹیل رنگ جمائے گی۔
خواجہ سراں پر بنائی بھارتی فلم کے لئے 6 ایوارڈ
لیڈی ڈیانا کا روپ دھارنا آسان نہیں،ہالی ووڈ ایکٹرس نومی واٹسن
