بحرین : (جیو ڈیسک) نوجوان کی ہلاکت پر بحرین کے عوام اور اپوزیشن کے ممبران سڑکوں پر نکل آئے اور حکومت مخالف مظاہروں میں شدت آگئی۔ہزاروں افراد پرمشتمل مشتعل عوام نیبحرین کی حکومت کے خلاف مظاہرہ کیا اور نوجوان کی ہلاکت پر حکومت کے خلاف نعرے بازی کی،بحرین میں ایک طویل عرصے سے حکومت مخالف مظاہروں کا سلسلہ جاری ہے،جس میں مسلسل شدت آتی جا رہی ہے ،مذکورہ مظاہرے کے شرکا کا مطالبہ تھا کہ بحرین کی حکومتی فورسز نے جان بوجھ کر نوجوانوں کو ہلاک کرنے کا سلسلہ شروع کر رکھا ہے جو کہ کسی طور بھی قابل قبول نہیں۔
مظاہرین نے اپنے کاندھوں پر نوجوان کا جنازہ اٹھایا ہوا تھا اور حکومت مخالف نعرے بازی کر رہے تھے،مظاہرین نے پولیس پر پٹرول بم سے حملے کئے جبکہ پولیس نے مظاہرین کو منتشر کرنے کے لئے آنسو گیس کا استعمال کیا۔
لاطینی امریکہ کے ممالک امریکہ کے خلاف اٹھ کھڑے ہوں، ہوگو شاویز
امریکی ریاست اوکلوہاما میں شدید طوفان نے تباہی مچا دی
