ڈھکی نعلبندی میں ہونیوالے خودکش حملے کا مقدمہ چھ دفعات کے تحت خان رازق شہید میں درج کر لیا گیا جبکہ دھماکے میں جاں بحق بشیر بلور کے پرسنل سیکرٹری کی نماز جنازہ ادا کردی گئی۔
گزشتہ روز ہونیوالے دھماکے کی ایف آئی آر نامعلوم ملزمان کے خلاف درج کی گئی ہے۔ ایف آئی آر چھ دفعات 302,324,427,353,780A اور3\4 کے تحت درج کیا گیا ہے۔مقدمہ کے اندراج کے بعد پولیس نے ڈھکی نعلبندی اور قصہ خوانی میں عینی شاہدین کے بیانات بھی قلمبند کیے ہیں۔
دوسری جانب دھماکے میں جاں بحق افراد کی نماز جنازہ انکے علاقوں میں ادا کی جارہی ہے۔سینئر صوبائی وزیر کے پرسنل سیکرٹری نورمحمد کی نماز جنازہ گورنمنٹ ہائی سکول کاکشال میں ادا کی گئی۔ دھماکے میں جاں بحق میاں پرویز اور حاجی ہاشم کی نماز جنازہ قصہ خوانی میں ادا کی گئی۔
اسلام آباد ، راولپنڈی میں بیشتر سی این جی سٹیشن بند ، شہری پریشان
ڈاکٹر محمد طاہر القادری کا اے این پی کے مرکزی رہنماء بشیر احمد بلور کی المناک موت پر اظہار افسوس
