ایک چونتیس سالہ شخص نے اولمپکس کھیلوں کی سو میٹر دوڑ سے قبل جمیکا کے اتھلیٹ یوسن بولٹ پر بوتل پھینکنے کے الزام کو رد کردیا ہے۔لندن کے شہر ساوتھ ملفورڈ کے ایشلے گل ویب نے سٹریٹ فورڈ کے مجسٹریٹ کی عدالت میں پیش ہوتے ہوئے سو میٹر دوڑ کے فائنل میں یوسن بولٹ پر بوتل پھینکنے کے الزام کی تردید کی۔اولمپکس کے متنظیمین نے کہا ہے کہ اس واقع سے کھیلوں کے فائنل مقابلے پر کوئی فرق نہیں پڑا۔
تاہم امریکی اتھلیٹ جسٹن گیٹلن نے کہا کہ بوتل کی وجہ سے ان توجہ دوڑ سے ہٹی تھی۔
انہوں نے کہا کہ انھیں اندازہ نہیں ہوا کہ یہ کیا تھا لیکن جب آپ دوڑ کے لیے تیار ہوں اور پوری توجہ دوڑ کی طرف لگی ہوئی ہو اور سٹیڈیم میں تماشائی بھی چپ ساد لیں تو پھر سوئی کے گرنے کی آواز بھی آپ سن سکتے ہیں۔
لندن دو ہزار بارہ کے چیئرمین لارڈ کو نے کہا کہ میدان میں بوتل پھیکنا ناقابل برداشت ہے۔ اولمپکس کے درمیان یہ برداشت نہیں کیا جا سکتا یہ کسی بھی کھیلوں کے درمیان برداشت نہیں کیا جا سکتا۔
روئے زمین کے تیز ترین انسان کا فیصلہ، بولٹ چیمپیئن بن گئے
اینڈی مرے کی عالمی رینکنگ میں تیسری پوزیشن پر نظریں
