تحریک تحفظ اسلام اور اہل سنت والجماعت جھیورانوالی کے اہتمام امریکی گستاخ فلم کے خلاف ریلی نکالی گئی
Posted on September 26, 2012 By Geo Urdu گجرات
گجرات (جی پی آئی)تحریک تحفظ اسلام اور اہل سنت والجماعت جھیورانوالی کے زیر اہتمام امریکی گستاخ فلم کے خلاف ایک ریلی نکالی گئی ، جس کی قیادت صوفی محمد حسین ، قاری مشتاق احمد ، مولانا صفدر حسین ، فخر اعظم نقشبندی ، چوہدری ذیشان اشرف اور ملک شبیر احمد خیالی نے کی اہل علاقہ کے سینکڑوں تمام مکاتب فکر سے تعلق رکھنی والی سیاسی سماجی مذہبی تاجر برادری کی کثیر تعداد نے احتجاجی ریلی میں بھرپور شرکت کی۔
مقررین نے اپنے خطاب میں کہا کہ امریکی و یہودی آئے روز اسلام اور پیغمبر اسلام صلی اللہ علیہ وآلہ وسلم کی شان میں گستاخیاں کر کے اپنے ناپاک منصوبوں میں کبھی کامیاب نہیں ہو سکتے ، نبی پاک صلی اللہ علیہ وآلہ وسلم کی ذات اقدس پر فلم بنانے والوں کو کیفر کردار تک پہنچا کر رہیں گے ، گستاخوں کی سزا پھانسی ہے ، تمام مسلمان متحد ہو کر کفار کے ناپاک ارادوں کو خاک میں ملا دیں گے۔
