جاگتے جاگتے رات ڈھل جائیگی
Posted on March 4, 2012 By Adeel Webmaster ماہ رخ زیدی
love heart with candle
جاگتے جاگتے رات ڈھل جائیگی
زندگی ایک دن رُخ بدل جائیگی
پیار کے چند لمحوں میں کیا خبر تھی
بات سوچوں سے آگے نکل جائیگی
ہے غریبوں کی بچی نہ گڑیا دیکھی
نہ سمجھ ہے بیچاری مچل جائیگی
چند دن کو ہے خوابوں کی دنیا جواں
برف ہے خود بہ خود ہی پگھل جائیگی
میرے ایسے وسیلے ہیں چاہوں اگر
موت بھی آنا چاہے تو ٹل جائیگی
سادہ پانی کا اک جام دے دے کوئی
بھوک کچھ دیر کو تو سنبھل جائیگی
ہر طرف عشق کی آگ لگنے لگی
ماہ رخ تو سنبھل ورنہ جل جائیگی
ماہ رخ زیدی
چمپئی رنگ اور سیاہ آنکھیں
ایک دریا تھا اور کنارہ تھا
