جنوبی کوریا : (جیو ڈیسک)جنوبی کوریا میں ہونے والے انتخابات میں ملک کی حکمراں قدامت پسند پارٹی نے پارلیمان میں اکثریت حاصل کرلی ہے، جب کہ بعد میں اِسی سال صدارتی انتخابات بھی ہونے والے ہیں۔ بدھ کے روز کے انتخابات صدر لی میونگ باک کی حکمراں نیو فرنٹیئر پارٹی کیلییتقویت کا باعث ہیں، جس کی پارلیمان میں اکثریت برقرار رہے گی۔یہ ووٹنگ قومی اسمبلی کی 300نشستوں کو پر کرنے کے لییہوئی، جِن میں سے 246قانون سازبراہ راست منتخب ہوں گے۔ باقی ماندہ نمائندوں کا چنا متناسب نمائندگی کی بنیاد پر ہوگا۔
بارہ برس میں پہلی بارایک ہی سال میں پارلیمانی اورصدارتی انتخابات ہو رہے ہیں۔ ان انتخابات کے نتائج دسمبر میں ہونے والی صدارتی ووٹنگ پر اثر انداز ہو سکتے ہیں۔ صدر لِی دوبارہ انتخاب نہیں لڑ سکتے۔حزب مخالف نے نیو فرنٹیئر پارٹی پرجنوبی کوریا کے عوام الناس کے برعکس امیر اور بڑے طبقے کی حمایت کرنے کا الزام لگایا ہے۔جنوبی کوریا کے ایک ایوان والے پارلیمان کے لییہرچاربرس بعد انتخابات ہوتے ہیں۔ ملک میں تقریبا چار کروڑ اہل ووٹر ہیں۔
امریکہ : نائن الیون کے منصوبہ سازوں کے خلاف مقدمہ
مراکش: امریکی ہیلی کاپٹر گر کر تباہ، 2میرینز ہلاک، دو زخمی
