دی ایجوکیٹرز سکول بارہ دری کیمپس میں یوم دفاع کے سلسلہ میں تقریب کا اہتمام کیا گیا
Posted on September 7, 2012 By Geo Urdu گجرات
گجرات (جی پی آئی) دی ایجوکیٹرز سکول بارہ دری کیمپس میں یوم دفاع کے سلسلہ میں خصوصی تقریب کا اہتمام کیا گیا ، سکول کے ایڈمنسٹریٹر شہزادہ شہزاد شفیق نے پرچم کشائی کر کے تقریب کا آغاز کیا ، بعد ازاں طلبہ و طالبات نے یوم دفاع کے حوالہ سے مختلف ٹیبلوز پیش کئے ، جبکہ ملی نغمے پیش کئے ، جماعت آٹھویں پنک کی طالبہ اور آٹھویں گرین کی طالبہ روال نے اردو زبان اور میمونہ نے انگلش زبان میں تقریر کر کے داد و تحسین حاصل کی ، اس کے بعد طلبہ و طالبات نے اساتذہ کرام کے ساتھ مل کر قومی ترانہ پڑھا ، اسمبلی کوآرڈینیٹر میدم نوشابہ نے بڑی خوبصورتی سے تقریب کا اہتمام کیا ، اس موقع پر خطاب کرتے ہوئے ایڈمنسٹریٹر دی ایجوکیٹرز بارہ دری کیمپس ممتاز ماہر تعلیم شہزاد ہ شہزاد شفیق نے خطاب کرتے ہوئے کہا کہ زندہ قومیں اپنے شہداء اور اسلاف کی قربانیوں پر انہیں خراج تحسین پیش کریں اور ان کے نقش قدم پر چلتے ہوئے وطن عزیز کی نظریاتی اور جغرافیائی سرحدوں کی نگہانی کا تجدید عہد کریں ، ان کا کہنا تھا کہ دی ایجوکیٹرز سکول بارہ دری کیمپس آئندہ بھی قومی ایام اسی شان و شوکت سے مناتا رہے گا ۔
