بالی ووڈ (جیوڈیسک) ممبئی بھارتی اداکارہ سوناکشی سنہا کا کہنا ہے کہ اپنے سے سینئیر ایکٹرز کے مد مقابل کام کرنا انہیں بالکل عجیب نہیں لگتا اور وہ خوش نصیب ہیں کہ ان کے سب ہی کو اسٹارز کا رویہ ان کے ساتھ اچھا رہا ہے۔ 2010 کی سپر ہٹ فلم دبنگ کے ذریعے بالی ووڈ میں انٹری دینے والی سوناکشی سنہا کاکہنا ہے کہ ان کے پہلے کو اسٹار سلمان خان سے ان کے تعلقات ہمیشہ سے اچھے رہے ہیں اور ان دونوں نے دبنگ ٹو کی شوٹنگ کے دوران بھی ساتھ اچھا وقت گزارا۔
تاہم ان کا کہنا ہے کہ ان کے پسندیدہ کو اسٹار اکشے کمار ہیں جن کے ساتھ راوڈی راٹھور اور جوکر میں کام کرنے کا تجربہ انہوں نے خوب انجوائے کیا۔ ان کے مطابق اسکرین پر بہترین کیمسٹری کے ساتھ ساتھ یہ دونوں حقیقی زندگی میں بھی ایک دوسرے کی کمپنی انجوائے کرتے ہیں، اور وہ اکشے کمار کے مد مقابل مزید فلموں میں کام کرنے کو بے تاب ہیں۔ حالیہ ریلیز سن آف سردار میں اجے دیوگن کے ساتھ کام کرنا بھی سوناکشی کو پسند آیا اور ان کا کہنا ہے کہ ان کے ساتھ کبھی انہیں یہ احساس نہیں ہوا کہ وہ عمراور رتبے میں ان سے بڑے ہیں۔
فلم ممبئی 120 کلو میٹر میں یادگار کردار ہے : وینا ملک
شنگھائی : تیسرے انٹرنیشنل پپٹ فیسٹول کا آغاز
