شاعر
Posted on February 23, 2012 By Adeel Webmaster مجید امجد
World
یہ دُنیا اک بے ربط سی ایک زنجیر
یہ دُنیا یہ اک نامکمل تصویر
یہ دُنیا نہیں میرے خوابوں کی تعبیر
میں جب دیکھتا ہوں یہ بزمِ فانی
غمِ جاودانی کی ہے اِک کہانی
تو چیخ اٹھتی ہے میری باغی جوانی
یہ محلوں یہ تختوں یہ تاجوں کی دُنیا
گناہوں میں لتھڑے رواجوں کی دُنیا
محبت کے دشمن سماجوں کی دُنیا
یہاں یہ کلی دل کی کھلتی نہیں ہے
کوئی چِق دریچوں کی کھلتی نہیں ہے
مَرے عشق کو بھیک ملتی نہیں ہے
اگر میں خُدا اس زمانے کا ہوتا
تو عنوان اور اس فسانے کا ہوتا
عجب لطف دنیا میں آنے کا ہوتا
مجید امجد
توسیعِ شہر
