شمسی ائیر بیس سے آخری امریکی اہلکار بھی دو جہازوں کے ذریعے روانہ ہو گئے اور بیس کا مکمل کنٹرول پاکستانی سیکیورٹی فورسز نے سنبھال لیا۔ پاکستانی افواج پر مہمند ایجنسی میں نیٹو حملے کے بعد پاکستان نے امریکا کو گیارہ دسمبر تک شمسی ائیر بیس خالی کرنے کی ڈیڈ لائن دی تھی جس کے بعد سے امریکا کی جانب سے شمسی ائیر بیس خالی کرنے کا کام شروع کر دیا گیا تھا اور گزشتہ روز پاکستانی اہلکاروں نے بیس کا زیادہ تر حصہ سنبھال لیا تھا جبکہ چند امریکی فوجی اور ان کا سامان باقی رہ گیا تھا ۔ ذرائع کے مطابق آج سہ پہر تین بج کر پانچ منٹ پر باقی رہ جانے والے امریکی اہلکار، ان کے زیر استعمال گاڑیاں اور سامان بھی دو جہازوں کے ذریعے افغانستان روانہ کر دیا گیا ہے جس کے بعد ائیر بیس کی اندرونی سیکیورٹی پاک فوج اور بیرونی سیکیورٹی ایف سی کے اہلکار سنبھال رکھی ہے بعد میں سول ایوی ایشن ائیر بیس کا انتظام سنبھا لے گی۔
کوئٹہ: نیٹو کے چار آئل ٹینکرز ڈرائیورز سمیت اغوا
بھٹو ریفرنس کیس کی سماعت آج ہوگی
