شہباز شریف کا میٹر وبس منصوبہ سفید ہاتھی ہے، میاں سجاد ناصر
Posted on November 15, 2012 By Geo Urdu لاہور
لاہور : پاکستان تحریک انصاف کے مرکزی رہنماء اور حلقہ 220سے صوبائی اسمبلی کے امیدوار میاں سجاد ناصر نے کہا ہے کہ شہباز شریف کا میٹروبس منصوبہ سفید ہاتھی ہے ،وہ کبھی سستی شہرت کیلئے سستی روٹی کاسٹنٹ کرتے ہیں توکبھی نوجوانوں کارخ تحریک انصاف سے ہٹاکر اپنی طرف موڑنے کیلئے لیپ ٹاپ تقسیم کرتے ہیں ۔پنجاب حکومت کاکوئی منصوبہ کرپشن سے پاک نہیں،70ہزارافراد کاایک ساتھ قومی ترانہ پڑھنا ریکارڈ نہیں بلکہ معاشی طورپرکمزورملک کے عوام کا70ارب روپیہ ایک فضول پراجیکٹ کی تعمیراورتکمیل کیلئے جھونک دینا ورلڈریکارڈ ہے اپنے ایک بیان میں انہوں نے کہا کہ میٹروبس منصوبہ عوام کیلئے مستقل دردسر بن گیا ہے ،شہری مسلسل کئی کئی گھنٹوں کیلئے ٹریفک جام میں پھنس جاتے ہیں۔
تخت لاہور والے اپنے عوام دشمن منصوبوں پرشرمندہ ہونے کی بجائے الٹااتراتے ہیں نورا لیگ والے حسد،تعصب اورانتقا م کی سیاست کرتے ہیں۔ عمران خان کی تعمیری سیاسی سوچ میں حکمرانوں کا انجام صاف دیکھا جاسکتا ہے۔حکمران پارٹیاں پاکستان میں جمود کی حامی ہیں ،انہیں تبدیلی سے ڈرلگتا ہے تاہم عمران خان کے سیاست میں فعال ہو نے سے یہ جمودٹوٹ گیا ۔الیکشن کمیشن کی سفارشات سوفیصددرست ہیں ”اصغرخان کیس میں سزایافتہ شخصیات کوانتخابات کیلئے نااہل قراردیا جائے۔
پاک بھارت مسائل مذاکرات سے حل کرنا ہوں گے، نوازشریف
