شہرِ لاہور کی شہزادی تھی
Posted on March 6, 2012 By Adeel Webmaster ڈاکٹر سعادت سعید
minar-e-pakistan
شہرِ لاہور کی شہزادی تھی
اس کی چاہت بھلے میعادی تھی
دام بکھرتے تھے کنول آنکھوں کے
اوج پر عادتِ صیادی تھی
کس قیامت کا چلن تھا اس کا
خوش خرامی ستم ایجادی تھی
کتنے عشاق تھے عاجز اس سے
ایک آبادی کی بربادی تھی
ابتری، اشک، جلاپے، نالے
اس کی شادی تھی کہ ناشادی تھی
میں بھی رویا تھا کسی گوشے میں
اپنے حجلے میں وہ فریادی تھی
اس کو مشروط محبت کا خیال
مجھ کو پیاری مری آزادی تھی
اس کے نزدیک بتائوں کس کو
میری لغزش تھی کہ بنیادی تھی
میں رہا کرتا تھا گر اس کے قریں
وہ بھی سانسوں کی مرے عادی تھی
وہ مری دوست تھی اور دشمن بھی
یعنی پُرکار تھی اور سادی تھی
ڈاکٹر سعادت سعید
عرصئہ مستہ و رندی کے لطائف پائے
گونگے دیار سے نکل اہل سخن میں آ گئے
