عشق سے پیدا نوائے زندگی میں زیر و بم

ishq

عشق سے پیدا نوائے زندگی میں زیر و بم
عشق سے مٹی کی تصویروں میں سوزِ دم بدم

آدمی کے ریشے ریشے میں سما جاتا ہے عشق
شاخ گل میں جس طرح باد سحر گاہی کا نم

اپنے رازق کو نہ پہچانے تو محتاج ملوک
اور پہچانے تو ہیں تیرے گدا دارا و جم

دل کی آزادی شہنشاہی ، شکم سامان موت
فیصلہ تیرا ترے ہاتھوں میں ہے ، دل یا شکم!

اے مسلماں! اپنے دل سے پوچھ ، ملا سے نہ پوچھ
ہوگیا اللہ کے بندوں سے کیوں خالی حرم

علامہ محمد اقبال

Nasir Mehmood - Chief Editor at GeoURDU.com