علامہ عارف حسین واحدی کوئٹہ کا دورہ کرنے کے بعد پنجاب پہنچ گئے
Posted on September 9, 2012 By Geo Urdu گجرات
گجرات (جی پی آئی) مرکزی جنرل سیکرٹری شیعہ علمائے کونسل پاکستان علامہ عارف حسین واحدی کوئٹہ کا دورہ کرنے کے بعد پنجاب پہنچ گئے ، انہوں نے پریس کانفرنس سے خطاب کرتے ہوئے کہا کہ کوئٹہ میں بہت زیادہ مظلومیت ہے ، لوگوں کو پکڑ کر جانوروں کی طرح ذبح کیا جا رہا ہے ، ایس پی انویسٹی گیشن کو بھی شہید کر دیا گیا ، چیف جسٹس بھی از خود نوٹس لینے کو تیار نہیں ۔
اسی طرح گلگت میں بھی ٹارگٹ کلنگ ہو رہی ہے ، کراچی میں بھی شیعہ کمیونٹی کو نشانہ بنایا جا رہا ہے ، قائد ملت جعفریہ حضرت علامہ ساجد نقوی کی سربراہی میں لانگ مارچ کا انعقاد کیا جا رہا ہے ، جس میں ملک بھر سے شیعہ مکاتب فکر سے تعلق رکھنے والے افراد شرکت کرینگے ، لانگ مارچ کا آغاز کراچی سے کیا جائیگا ،ا ور اس کا اختتام اسلام آباد میں ہو گا ، اس احتجاجی لانگ مارچ میں ٹارگٹ کلنگ کے خلاف آواز بلند کی جائیگی ۔
