علم کے نور سے ظاہر وباطن کو بدلنے کی جدوجہد ہی معاشرے میں مثبت تبدیلی لا سکتی ہے۔نوشابہ ضیائ
Posted on November 21, 2012 By Geo Urdu لاہور
لاہور : منہاج القرآن ویمن لیگ کی مرکزی ناظمہ نوشاہ ضیاء نے کہا ہے کہ منہاج القرآن ویمن لیگ کردار زہرہ رضی اللہ تعالیٰ عنہہ اور جرات زینب رضی اللہ تعالیٰ عنہہ کی امین ہے اور موجودہ دور میں حسینیت کا شعور بیدار کر رہی ہے ۔شیخ الاسلام ڈاکٹر محمد طاہر القادری کی سر پرستی میں تجدید احیائے دین کیلئے اسکی خدمات سنہرے حروف میں لکھی جائیں گی ۔سیدہ زینب رضی اللہ تعالیٰ عنہہ کا کردار ہمیں یہ بتاتا ہے کہ اس دو ر میں جینا لازم ہے جس دور میں جینا مشکل ہو ۔ان خیالات کا اظہار انہوں نے منہاج القرآن ویمن لیگ لاہور کے زیر اہتمام واہگہ ٹائون میں ”دختر بتول سیدہ زینب کانفرنس” سے خطاب کرتے ہوئے کیا ۔اس موقع پر منہاج القرآن ویمن لیگ کی ناظمہ ارشاد اقبال،عائشہ شبیر،سدرہ جبیں اور عطیہ بینش بھی موجود تھیں۔نوشابہ ضیاء نے کہا کہ علم کے نور سے ظاہر و باطن کو بدلنے کی جدوجہد ہی معاشرے میں مثبت تبدیلی لا سکتی ہے۔
کانفرنس سے خطاب کرتے ہوئے ارشاد اقبال نے کہا کہ شیخ الاسلام ڈاکٹر طاہر القادری نے معاشرے میں تبدیلی کا جو ویژن دیا ہے اس میں عورت کو مرکزی کردار حاصل ہے اور منہاج القرآن ویمن لیگ دین مبین کی زریں اقدار کے فروغ کیلئے ان کی رہنمائی میں انتہائی اہم کردار ادا کر رہی ہے ۔ملک اور امت کے مستقبل کو باوقار،باحمیت اور تابناک بنانے کیلئے تربیت اور تعلیم کے دو ادواروں پر توجہ دینا ہو گی ۔انہوں نے کہا کہ معاشرے کو سلامتی اور امن دینے کیلئے داخلی امن ناگزیر ہے اور اس کیلئے ماں کی تربیت کلیدی کردار ادا کرتی ہے۔ انہوں نے کہا کہ ملک بھر میں یوسی سطح تک منہاج القرآن ویمن لیگ کی تنظیمات کا وجود اس بات کی غمازی کرتاہے کہ مستقبل میں آنے والی تبدیلی میں عورت کا ماں ،بہن،بیٹی کے روپ میں مرکزی کردارہو گا اور وہ وقت دور نہی جب ملک میں حقیقی تبدیلی کا سورج طلوع ہو گا۔
لاہور : کیمیکل فیکٹری میں آتشزدگی،لاکھوں روپے کا سامان جل گیا
لاہور : جی پی او خود کش حملہ کیس کے ماسٹر مائنڈ کو بری کر دیا گیا
