عالمی رہنماں نے صومالیہ کے استحکام اور عسکریت پسندی کے خاتمے کیلئے امداد بڑھانے کا اعلان کیا ہے۔ لندن کانفرنس کے اعلامے کے مطابق موغادیشو میں امن عمل کو نقصان پہنچانے والوں کو سخت سزا دی جائے گی۔
صومالیہ میں دو عشروں سے جاری عسکریت پسندی ختم کرانے کیلئے لندن میں عالمی کانفرنس کے دوران پچپن ملکوں کے سربراہوں اور نمائندوں نے مشترکہ اعلامیہ جاری کیا۔ جس میں صومالیہ میں ہر حال میں امن قائم کرانے کا عہد کیا گیا۔
پینل اجلاس سے خطاب کرتے ہوئے برطانوی وزیر اعظم ڈیوڈ کیمرون نے کہاکہ صومالیہ میں عسکریت پسندی زور پر ہے۔ بحری قزاق بحری جہازوں کو روک کر عالمی تجارت میں خلل ڈال رہے ہیں۔ اس کے خاتمے کیلئے صومالیہ میں امن اور بحری قزاقوں کا قلع قمع لازمی ہے۔
امریکی وزیر خارجہ ہیلری کلنٹن نے عسکریت پسندوں اور بحری قزاقوں کے خلاف سخت ایکشن لینے کا مطالبہ کیا۔ اقوام متحدہ کے سیکرٹری جنرل بان کی مون اور دیگر رہنما بھی شرکا میں شامل تھے۔
شام میں باغیوں کے خلاف کارروائی جاری، 88 افراد ہلاک
پیرس: فرانس میں صدارتی انتخاب کیلئے مہم جاری
