ماڈل بازار گوجرانوالہ کے مینجر اور سپر وائزر کا گجرات ماڈل سستے بازار کا دورہ
Posted on July 1, 2012 By Adeel Webmaster گجرات
گجرات (جی پی آئی ) اسسٹنٹ کمشنر گجرات واصف بشیر کھوکھر کی دعوت پر ماڈل بازار گوجرانوالہ کے مینجر اور سپر وائزر کا گجرات ماڈل سستے بازار کا دورہ اور دورہ کے دوران انہوں نے گجرات سستے بازار کی کارکردگی اور اس میں موجود دکانوں کا دورہ بھی کیا۔
اسسٹنٹ کمشنر گجرات واصف بشیر کھوکھر نے گجرات سستے ماڈل بازار میں سبزی پھل کی سہولیات کو بہتر بنانے اور لوگوں تک پہنچانے کیلئے غورکیا گیا۔ سستے ماڈل بازار کو گوجرانوالہ ماڈل بازار کی طرح کامیاب بنانے کیلئے ماڈل بازار گوجرانوالہ کے مینجر محسن رضا اور سپر وائزر گلزم شہزاد سے قیمتی تجاویز بھی لی گئی۔
اس موقع پر اسسٹنٹ کمشنر واصف بشیر کھوکھر نے کہاکہ ماڈل سستے بازار کو کامیاب بنانے کیلئے روایتی مڈی سسٹم سے ہٹ کر اشیاء کو فروخت کیا جائے اور شہریوں کو بھر پور ریلیف دیا جائے ۔
انہوں نے کہا کہ ماڈل بازار گوجرانوالہ کی کامیابی کا فائدہ اٹھا کر گجرات کے ماڈل بازار کو بھی کامیاب کرانے کیلئے تمام کوششوں کو بروئے کار لایا جائے گا انہوں نے کہاکہ رمضان المبارک میں بازار بھی سستے ماڈل بازار میں لگایا جائے گا تاکہ رمضان المبارک میں بھی شہریوں کو سستی اشیاء مل سکیں اس موقع پر سستے ماڈل بازار گوجرانوالہ سے بلال احمد ‘خرم شہزاد ‘اسدسلیم سمیت دیگر نے گجرات ماڈل بازار کا دورہ کیا ۔
