محبتیں جب شمار کرنا تو سازشیں بھی شمار کرنا
Posted on May 23, 2012 By Adeel Webmaster نوشی گیلانی
Be bassi
محبتیں جب شمار کرنا تو سازشیں بھی شمار کرنا
جو میرے حصے میں آئی ہیں وہ اذیتیں بھی شمار کرنا
جلائے رکھونگی صبح تک میںتمہارے رستوںمیں اپنی آنکھیں
مگر کہیں ضبط ٹوٹ جائے تو بارشیں بھی شمار کرنا
جو حرف لوحِ وفا پہ لکھے ہوئے ہیں ان کو بھی دیکھ لینا
جو رائیگاں ہو گئیں وہ ساری عبارتیں بھی شمار کرنا
یہ سردیوں کا اداس موسم کی دھڑکنیں برف ہو گئی ہیں
جب ان کی یخ بستگی پرکھنا، تمازتیں بھی شمار کرنا
تم اپنی مجبوریوں کے قصے ضرور لکھنا وضاحتوں سے
جو میری آنکھوں میں جل بجھی ہیں وہ خواہشیں بھی شمار کرنا
نوشی گیلانی
مرے خلاف ہوا ہے تو اس کا ڈر بھی نہیں
نام لے لے کر نہ میرا شہر کی نظروں میں آ
