پاکستان ریلوے کے جنرل مینجر آپریشنز سعید اختر نے دعوی کیا ہے کہ اگر حکومت نے مطلوبہ رقم دے دی تو تین ماہ میں ریلوے کی حالت بہتر ہوجائے گی ۔ اس ہفتے تمام ملازمین کو تنخواہیں مل جائیں گی جبکہ پنشن کی ادائیگی پیر سے شروع ہوگی ۔ ریلوے ہیڈ کوارٹر لاہور میں پریس کانفرنس سے خطاب کرتے ہوئے انہوں نے کہا کہ ریلوے بند نہیں ہوگی اور انشااللہ اسے بہتر بنانے میں کامیاب ہوں گے ۔ ان کا کہنا تھا کہ صدرآصف زرداری نے یقین دہانی کرائی ہے کہ سرپلس ملازمین ہونے کے باوجود کسی کو برطرف نہیں کیاجائے گابلکہ ٹرینوں کی تعداد بڑھا کر ان سے کام لیاجائے گا۔ سعید اختر نے کہا کہ حکومت ہر ماہ چار ارب روپے دینے کی بجائے چھ ماہ کی اکٹھی رقم دے دے تو لوکوموٹیو انجنوں کی مرمت کر کے ریل کو اپنے پائوں پر کھڑا کردیں گے ۔ جنرل مینجر نے کہا کہ ریل میں بدعنوانی ، کرپشن اور بغیر ٹکٹ سفر روکنے کے لیے اقدامات کیے جارہے ہیں جس کا آغاز بڑے افسروں سے ہوگا
فیصل آباد: صنعتوں کو گیس کی فراہمی تین روزکیلئے بند
پی آئی اے اپنے نقصانات خود پورا کرے، وزیر خزانہ
