ملکہ : غیراعلانیہ لوڈ شیڈنگ نے پچھلے تمام ریکارڈ توڑ دئیے
Posted on July 28, 2012 By Geo Urdu گجرات
ملکہ(عمر فا روق اعوان سے )غیر اعلانیہ لوڈ شیڈنگ نے پچھلے تمام ریکارڈ توڑ دئیے، 16گھنٹے کی لوڈشیڈنگ نے عوام کے ناک میں دم کر کے رکھ دیا ہے ،گھروں اور مسجدون میں پانی نہ ہونے کی وجہ سے عوام ذہنی طور پر مفلوج ہو کر رہ گئے ہیں، نہ دن کو چین ہے اور نہ رات کو آرام ، عوام جائیں تو کدھر جائیں ، حکومت ہے تواس کے کانوں پر جوں نہیں رینگتی۔
ایسے حالات میں عوام سراپا احتجاج بن گئے ہیں ،ایک سروے کے مطابق عوامی حلقوں نے کہا ہے کہ اگر حکومت نے چند روز تک لوڈشیڈنگ کے مسئلے کو حل نہ کیا تو پھر سڑکوں پر دمادم مست قلندر ہو گا ، جس کی تمام ذمہ داری محکمہ واپڈا اور حکومت کی ہو گی۔
