نامعلوم کار سوار چور سیرلہ کے رہائشی کی ہزاروں روپے مالیت کی بکری لے اڑے
Posted on August 13, 2012 By Geo Urdu سٹی نیوز
بھمبر (ڈسٹرکٹ رپورٹر) نامعلوم کار سوار چور سیرلہ کے رہائشی کی ہزاروں روپے مالیت کی بکری لے اڑے عوام علاقہ کا بھمبر پولیس سے چیک پوسٹوں پر چیکنگ کا نظام موثر بنانے کا مطالبہ تفصیلات کیمطابق گزشتہ روز سیرلہ کے رہائشی راجہ عبدالعزیز کی ہزاروں روپے مالیت کی بکری کو سفید رنگ کی 2Dکارمیں سوار نامعلوم چوروں نے سیرلہ موڑ سے اٹھا لیا اور ڈگی میں ڈال کر گجرات روڈ پر فرار ہو گئے عوام علاقہ نے کہا کہ عید کے دن قریب آتے ہی ایک بار پھر بکری چوروں کا کار سوارگروہ متحرک ہو گیا ہے۔
گزشتہ سال بھی کئی غریب لوگوں کی بکریاں کار سوار گروہ اٹھا کر لے گیا لیکن ان چوروں کا کوئی سراغ نہ لگ سکا عوام علاقہ نے بھمبر پولیس سے مشکوک کار سواروں کی چیک پوسٹوں پر چیکنگ کا نظام موثر بنانے کا مطالبہ کیا ہے ۔
