نقش فریادی ہے کس کی شوخی تحریر کا

Posted on June 5, 2012 By Adeel Webmaster مرزا غالب

paper writing

نقش فریادی ہے کس کی شوخی تحریر کا
کاغذی ہے پیرہن ہر پیکر تصویر کا

کاد کادِ سخت جانیہائے تنہائی نہ پوچھ
صبح کرنا شام کا لانا ہے جوئے شیر کا

جذبہ بے اختیار شوق دیکھا چاہیے
سینہ شمشیر سے باہر ہے دم شمشیر کا

آگہی دام شنیدن جس قدر چاہے بچھائے
مدعا عنقا ہے اپنے عالم تقریر کا

بسکہ ہوں غالب اسیری میں بھی آتش زیرپا
موئے آتش دیدہ ہے حلقہ مری زنجیر کا

غالب

by Adeel Webmaster

Nasir Mehmood - Chief Editor at GeoURDU.com

منظور ہے گزارشِ احوال واقعی نکتہ چین ہے غمِ دل اس کو سنائے نہ بنے