نقش فریادی ہے کس کی شوخی تحریر کا؟ . دیوانِ غالب. غزل نمبر۔1
Posted on November 29, 2012 By Muhammad Shehzad مرزا غالب
The Scream
نقش فریادی ہے کس کی شوخی تحریر کا؟
کاغذی ہے پیرہن ہر پیکرِ تصویر کا
کا کاوِ سخت جانیہائے تنہائی، نہ پوچھ
صبح کرنا شام کا، لانا ہے جوئیشِیر کا
جذبہ بے اختیارِ شوق دیکھا چاہیے
سینہ شمشیر سے باہر ہے دم شمشیر کا
آگہی دامِ شنیدن جس قدر چاہے بچھائے
مدعا عنقا ہے اپنے عالمِ تقریر کا
بسکہ ہوں غالب اسیری میں بھی آتش زیرپا
موئے آتش دیدہ ہے حلقہ مری زنجیر کا
* * *
جراحت تحفہ، الماس ارمغاں، داغ جگر ہدیہ
مبارک باد اسد، غمخوارِ جانِ دردمند آیا
بسکہ دشوار ہے ہر کام کا آساں ہونا . دیوانِ غالب. غزل نمبر۔15
دل مرا سوزِ نہاں سے بے محابا جل گیا . دیوانِ غالب. غزل نمبر۔2
