افغانستان میں تعینات نیٹو اورایساف فورسز کی پاک افغان بارڈر پر پاکستانی چیک پوسٹ پر فائرنگ کے نتیجے میں شہید ہونے والے سکیورٹی اہلکاروں کی تعداد 25 ہوگئی ہے جبکہ بارہ سے زیادہ اہلکاروں کے زخمی ہونے کی اطلاعات ہیں۔ آئی ایس پی آر کے ایک ترجمان نے اس بات کی تصدیق کی ہے کہ پاک افغان بارڈر پر مہمند ایجنسی کی تحصیل بائیزئی کے علاقے سلالا میں ایساف اور نیٹو فورسز کے ہیلی کاپٹروں نے علی الصبح پاکستانی چیک پوسٹ کو نشانہ بنایا ۔ ذرائع کے مطابق اس واقعہ میں پاک فوج کے ایک میجر اور ایک کیپٹن سمیت پچیس سکیورٹی اہلکار شہید ہو گئے۔ یہ چیک پوسٹیں دور افتادہ پہاڑی علاقے میں دہشت گردوں کی آمد و رفت روکنے کیلئے قائم کی گئی ہیں جہاں سے اطلاعات آنے میں وقت لگ رہا ہے۔ ذرائع کے مطابق اس علاقے میں تازہ نفری اور امدادی ٹیمیں پہنچ چکی ہیں جو اپنا کام کررہی ہیں۔ پاکستان کی جانب سے اس واقعہ پر اعلی ترین سطح پر امریکہ سے احتجاج کیا گیا ہے۔
کرم ایجنسی: جھڑپ میں چھ عسکریت پسند ہلاک، چار اہلکار زخمی
ذوالفقار مرز پر حملے کی کوشش، تھانے میں بیان ریکارڈ کرا دیا
