وہ چاندنی کا بدن خوشبوئوں کا سایہ ہے

moonlight

وہ چاندنی کا بدن خوشبوئوں کا سایہ ہے
بہت عزیز ہمیں ہے مگر پرایا ہے

اُتر بھی آئو کبھی آسماں کے زینے سے
تمہیں خدا نے ہمارے لیے بنایا ہے

کہاں سے آئی یہ خوشبو، یہ گھر کی خوشبو ہے
اس اجنبی کے اندھیرے میں کون آیا ہے

اُسے کسی کی محبت کا اعتبار نہیں
اُسے زمانے نے شائد بہت ستایا ہے

تمام عمر مِرا دم اسی دھوئیں میں گھٹا
وہ اک چراغ تھا میں نے اُسے بجھایا ہے

بشیر بدر

Nasir Mehmood - Chief Editor at GeoURDU.com