ٹین کے چھجوں سے دو کمرے
Posted on April 26, 2012 By Adeel Webmaster سید ضمیر جعفری
katachi abadi
ٹین کے چھجوں سے دو کمرے ” بنگلائے” ہوئے
جیسے انڈوں پر ہوں پر مرغی نے پھیلائے ہوئے
اک کھلا در ہے جو کھلتا ہے کھلے میدان میں
گھر میں بھی رہتا ہوں پوری قوم کے گھمسان میں
پرد ئہ دیوار تا حدِ نظر ۔۔۔۔۔۔۔۔۔۔۔ کچھ بھی نہیں
زیست اس منزل میں جزذوقِ سفر۔۔۔۔۔ کچھ بھی نہیں
کھیلتے ہیں گیند بلّا بھی یہیں مردانہ وار!
”لال کڑتی ” کے حنیف و امتیاز و کاردار
دید نی ہوتا ہے منظر ضرب تند و تیز پر
”فیلڈرز ”میرے کچن میں، گیند میرے میز پر
مائوں ، بہنوں ، بیٹیوں کی طرح پھرتی ہیں یہاں
چھائونی بھر کی سہاگن، گائیں، بھینسیں، بکریاں
ماجرا کیسے کہوں دیوار و در کے رنگ کا
منہ کو آ پہنچا کلیجہ چوب و خشت و سنگ کا
یہ مکاں، یہ مغربی تہزیب کا لخت جگر
”چہرہ روشن۔۔۔۔۔۔۔۔۔ اندروں چنگیز سے تاریک تر
ہم سے پہلے جن کے زیر پا تھی یہ ”خلدِ بریں”
وہ نکل جانے پہ بھی پوری طرح نکلے نہیں
اس کی دیواروں پہ مرغے ہیں، کواڑوں پر حساب
لکھ گئے ہیں ان کے بچے سب سوالوں کے جواب
چپہ چپہ اس مکاں کے استخوانِ پیر کا
نقش فریادی کسی کی”کانپتی ” تعمیر کا
سید ضمیر جعفری
میری بیوی قبر میں لیٹی ہے جس ہنگام سے
لکڑی کی “نصف ہٹ” میں بسیرا ہے آج کل
