پھر نئے خواب بُنیں پھر نئی رنگت چاہیں
Posted on March 14, 2012 By Adeel Webmaster حسن رضوی
bewafa
پھر نئے خواب بُنیں پھر نئی رنگت چاہیں
زندہ رہنے کے لیے پھر کوئی صورت چاہیں
نئے موسم میں کریں پھر سے کوئی عہدِ وفا
عشق کرنے کے لیے اور بھی شدت چاہیں
اک وہ ہیں کہ نظر بھر کے نہ دیکھیں ہم کو
ایک ہم ہیں کہ فقط ان کی ہی صورت چاہیں
بات سننے کے لیے حوصلہ دل میں رکھیں
بات کہنے کے لیے حرف صداقت چاہیں
ان کو پانے کے لیے تیشہ فرہاد بنیں
قیس بننے کے لیے قیس سی وحشت چاہیں
سانس قربان کر دیں دیس پہ اک دن ہم بھی
ایسی تقدیر ملے ایسی سعادت چاہیں
ہم ملیں ایسے کہ جوں رنگ ملے پانی میں
ان کی قربت میں حسن ایسی رفاقت چاہیں
حسن رضوی
پیار کے دن اب بیت گئے ہیں
رونا بھی جو چاہیں تو وہ رونے نہیں دیتا
