پیرزاد امتیاز سید لیبر کانفرنس میں شرکت کے بعد وطن واپس پہنچ گئے
Posted on September 20, 2012 By Geo Urdu گجرات
گجرات (جی پی آئی) پیرزاد امتیاز سید لیبر کانفرنس میں شرکت کے بعد وطن واپس پہنچ گئے ، آل پاکستان فیڈریشن آف یونائیٹڈ ٹریڈ یونینز کے جنرل سیکرٹری پیرزادہ امتیاز سید نے بنگلہ دیش کے شہر ڈھاکہ میں ایشین لیبر کانفرنس میں شرکت کی اور پاکستان کی نمائندگی کی ، انہوںنے اپنے دورہ کے دوران بنگلہ دیش کی وزیر محنت و افرادی قوت سے بھی ملاقات کی اور دو طرفہ تعلقات پر تبادلہ خیال کیا۔
ایشین لیبر کانفرنس کے شرکاء نے سانحہ کراچی اور لاہور کے علاوہ کوئٹہ میں مزدوروں کے قتل عام پر قرار داد مذمت منظور کی اور آئی ایل او سمیت تمام اداروں نے اس قرار داد کو منظور کرتے ہوئے حکومت پاکستان کو اس کا مراسلہ بھجوایا ہے ، اور مطالبہ کیا ہے کہ پاکستان میں مزدوروں کی حالت زار انتہائی قابل رحم ہے اور مزدور دشمن قوانین کو ختم کیا جائے اور ٹریڈ یونینز کی مشاورت سے مزدوروں کیلئے پالیسیاں مرتب کی جائیں۔
