پاکستان:(جیو ڈیسک) قومی ایئرلائن کے شیڈول میں بدنظمی کے باعث بیرون ملک جانیوالی پروازوں کا شیڈول بھی بری طرح متاثر ہوا ہے، مسافروں کو کئی کئی گھنٹے انتظار کرنا پڑرہا ہے۔ لاہور سے میلان اور پیرس جانیوالی پروازپی کے 733 سول ایوی ایشن اتھارٹی کی جانب سے کلیرنس نہ ملنے پرپرواز کو روانگی سے روک دیا گیا جس کی وجہ سے پرواز بارہ گھنٹے سے زائد تاخیر کا شکار رہی۔
لاہور سے اوسلو جانیوالی پروازپی کے751ساڑھے نو گھنٹے تاخیر کا شکاررہی ۔ لاہور سے مانچسٹر جانیوالی پی کے709 دو گھنٹے تاخیر کا شکاررہی۔اسلام آباد سے لندن جانیوالی پی کے785ڈیڑھ گھنٹے تاخیرکا شکار رہی۔ قومی ایئرلائن کے بارہ طیارہ گراونڈ ہونے کی وجہ سے پروازوں کا شیڈول بھی بری طرح متاثر رہا۔
حکومت کا نادرا ملازمین کو مستقل کرنے کا اعلان
وحیدہ شاہ کا تھپڑ، چیف جسٹس نے ازخود نوٹس لے لیا
