ڈنگہ :سپین کے شہر بار سلونا میں پاکستان کے کونصلیٹ جنرل راجہ مسعود نے خالد شہباز چوہان اور پارٹی کے اعلیٰ عہدیداروں کے اعزاز میں گرینڈ اعشائیہ دِیا
Posted on October 31, 2012 By Geo Urdu سٹی نیوز
ڈنگہ (محمد بلال احمد بٹ) سپین کے شہر بارسلونا میں پاکستان کے کونصلیٹ جنرل راجہ مسعود نے حکومتی پارٹی کی طرف سے پارلیمنٹ کے امیدوار خالد شہباز چوہان اور پارٹی کے اعلیٰ عہدیداروں کے اعزاز میں گرینڈ اعشائیہ دِیا اور گورنمنٹ پاکستان اپنی کمیونٹی کی اس کامیابی پر خوش ہیں۔
اِس پر وقار عشائیہ کی تقریب میں اینجل کلوم ، ڈائریکٹر جنرل سپورٹس ایلبرڈ مارکو ، ڈائریکٹر جنرل امیگریشن شاویر بوشن ، ڈائریکٹر امیگریشن ماریا روسا بلدیہ بارسلونا کے امیگریشن کے انچارج مکیل استیوا ، ایرک ، رود ریگو، کامران خاں ، وقار اور بخاری صاحب کے علاوہ کونصلیٹ جنرل راجہ مسعود اور ویلفیئر کونصلر اسلم غوری شامل تھے اِس موقع پر کونصلیٹ جنرل نے خالد شہباز چوہان کو اپنے بھر پور تعاون کا یقین دِلایا ، اِس موقع پر خالد شہباز چوہان ، اینجل کلوم اور حکومتی عہدیداروں نے پاکستان کے ساتھ مثبت تعاون پر اپنا کردار ادا کرنے کا وعدہ کیا اور اِس تعاون کو پہلے سے بھی بہتر کرنے کا یقین دِلایا۔
