کراچی (جیوڈیسک) کراچی کو ٹارگٹ کلرز نے یرغمال بنالیا ۔دو ہفتوں کے دوران 104 افراد کو موت کی نیند سلادیا گیا ،، پویس بے بس ہوگئی۔27 اکتو بر کو 4 افراد کو قتل کردیا گیا،28اکتوبر کو بھی چار افراد اندھی گولیوں کا شکار بنے، 29 اکتوبر کو سفاک قاتلوں نے 6 شہریوں سے زندہ رہنے کا حق چھین لیا،30 اکتوبر کو8 معصوم لوگوں کو ٹارگٹ کلنگ کا نشانہ بنایا گیا،31 اکتوبر کوبھی 9 گھروں سے جنازے اٹھے۔
یکم نومبر کو 7 شہری مسلح افراد کی فائرنگ کا شکار ہوئے۔2 نومبرکو بھی 8 افراد کی زندگیوں کے چراغ گل کردیئے گئے۔3 نومبر کو 3 افراد ہلاک ہوئے ۔ 4 نومبر کو 6 شہریوں کا خون بہایا گیا۔ 5 نومبرکوبھی 6 گھروں میں صف ماتم بچھ گئی۔ 6 نومبر کو شہر قائد کے 14 باسیوں کو موت کی نیند سلادیا گیا۔ 7نومبر کو 11 لوگ اندھی گولیوں کا نشانہ بنے۔
8 نومبر کو بھی 11 کی زندگی کے چراغ گل ہوئے۔ 9 نومبر کو 7 افراد کو ٹارگٹ کلرز نے مار ڈالا۔ہر روز ہلاکتوں کی بڑھتی تعداد قانون نافذ کرنے والے اداروں کی کارکردگی پر سوالیہ نشان ہے۔
حکومت کا روس کے ساتھ آزادانہ تجارت کا فیصلہ
وزیر خزانہ نے مہنگائی میں کمی کا دعوی کر دیا
