کراچی کے علاقے گلشن مہران میں پولیس نے فیکٹری پر چھاپہ مار کر بھاری مقدار میں جعلی ادویات اور کھاد برآمد کر لی۔ مالک اور خاتون سمیت پانچ افراد کو گرفتار کر لیا گیا ہے۔ گلشن مہران میں ڈپٹی کمشنر ملیر شوکت جوکھیو اور شاہ لطیف ٹاؤن پولیس نے مشترکہ کارروائی کی۔ اور فیکٹری سے جعلی زرعی دوا اور کھاد کی بھاری مقدار برآمد کر لی۔ کارروائی کے دوران فیکٹری میں کام کرنے والی ایک خاتون سمیت چار افراد کو گرفتار کر لیا۔ پولیس کے مطابق کمپنی کئی عرصے سے نامور کمپنیوں کے لیبل استعمال کرکے جعلی ادویات مارکیٹ میں فروخت کررہی تھی۔ ڈی سی ملیر نے فیکٹری سیل کردی۔ اور مزید تحقیقات کیلیے ایف آئی اے کو ہدایات جاری کردی گئی ہیں۔ ایس ایچ او ملیر کینٹ کے مطابق فیکٹری کے مالک محمد رمضان کو گرفتار کر لیا گیا ہے۔
کراچی: مختلف علاقوں میں سرچ آپریشن،100سے زائد افراد گرفتار
بیسویں ترمیم، ڈیڈلاک برقرار، مذاکرات آج دوبارہ ہوں گے
