کسی کو بھی تحریک انصاف کے کارکنوں کی حوصلہ شکنی نہیں کرنے دینگے :مہر شہباز فاضل
Posted on March 20, 2012 By Geo Urdu گجرات
گجرات: پاکستان تحریک انصاف یوتھ ونگ ضلع گجرات کے سیکرٹری اطلاعات مہر شہباز فاضل نے کہا ہے کہ تحریک انصاف کارکنوں کی جماعت ہے ، اور کسی کو بھی تحریک انصاف کے کارکنوں کی حوصلہ شکنی نہیں کرنے دینگے ، انہوں نے کہا کہ گجرات کے نوجوان فیضان خالد بٹ کی قیادت میں متحد ہیں ، اور اس بات کا عزم کرتے ہیں کہ فیضان خالد بٹ کی سربراہی میں تحریک انصاف کو ضلع گجرات کی مضبوط ترین جماعت بنائیں گے ، انہوں نے کہا کہ رات کے اندھیرے میں بننا والا صدر غیر آئینی اور غیر قانونی ہے ، جس کی ہم بھرپور مذمت کرتے ہیںاورگجرات میں ضلع سطح پر مفاد پرست عناصر کا محاسبہ کیا جائیگا اور انہیں پارٹی کو نقصان نہیں پہنچانے دینگے ، یہ لوگ پارٹی میں شامل ہو کر پارٹی کے نام بدنام کرنے کی ناکام کوشش کر رہے ہیں، ہم قائد تحریک انصاف عمران خان کے ویژن کے مطابق کام کر رہے ہیں ، ہمارا قائد تحریک عمران خاں سے مطالبہ ہے کہ وہ گجرات میں موجود مفاد پرست عناصر کا محاسبہ کریں ۔
