کھاریاں سروس روڈ کے منصوبے میں اصل رکاوٹ وفاقی حکومت ہے: چوہدری عرفان الدین
Posted on March 4, 2012 By Geo Urdu گجرات
کھاریاں :(جیوڈیسک) کھاریاں سروس روڈ کے منصوبے میں اصل رکاوٹ وفاقی حکومت ہے جو کہ کھاریاں کی عوام کو سیاسی انتقامی کاروائی کا نشانہ بنا کر دشمنی کر رہی ہے اس منصوبے کے لئے ایم این اے حلقہ این اے 107ملک جمیل اعوان نے 3سال قبل 92لاکھ روپے کی فنڈ واپڈا کے کام کیلئے ادا کر دئیے ہیں ، ان خیالات کا اظہار گزشتہ روز کھاریاں میں ایم این اے حلقہ پی پی 115چوہدری عرفان الدین نے کھاریاں میں صحافی کے سوال کا جواب دیتے ہوئے کیا وہ TMAکھاریاں ہال میں تقریب سے خطاب بھی کر رہے تھے ، انہوںنے بتایا کہ پیپلز پارٹی کے حکمران پہلے دن سے عوام دشمنی کر رہے ہیں ، اور جہاں پر مسلم لیگ ن کے ایم این اے اور ایم پی اے ہیں وہاں پر ترقیاتی منصوبوں میں رکاوٹیں پیدا کر رہے ہیں ، جبکہ ہم اس منصوبے کے لئے صدق دل سے کوششیں کر رہے ہیں ، جسکا منہ بولتا ثبوت ایم این اے ملک جمیل اعوان کی طرف سے واپڈا کے پول شفٹ کرنے کی مد میں 3سال قبل جاری کئے گئے 92لاکھ کے فنڈز ہیں ۔
