کھاریاں کینٹ کے علاقہ میں قتل ہونے والی گلشن بی بی کے قاتل گرفتار
Posted on February 8, 2012 By Geo Urdu گجرات
گجرات : ایک ماہ قبل کھاریاں کینٹ کے علاقہ میں نامعلوم اشحاص کے ہاتھوں قتل ہونے والی گلشن بی بی کے اندھے قتل کے ملزمان گرفتار تفصیلات کے مطابق مورخہ03.01.12کو عزیز پورہ کھاریاں کی گلشن بی بی دخترراجہ خاں سکنہ کھاریاں کو نامعلوم افراد نے گلہ کاٹ کر قتل کر دیا۔قتل کی اس واردات سے علاقہ میں خوف وہراس پھیل گیا۔DPOگجرات راناشاہد پرویز نےDSPکھاریاں سلطان میراں کو اندھے قتل کے ملزمان جلد از جلد ٹریس کرنے کا حکم دیا۔جس پرDSPکھاریاں نے انسپکٹر ساجد اقبال SHOکھاریاں کینٹ اورSIاعجاز احمد پر مشتمل تفتیشی ٹیم تشکیل دی۔جنہوں نے DPOگجرات رانا شاہد پرویز کی ہدایات پر عمل کرتے ہوئے مقتولہ کے موبائل فون کا ڈیٹا حاصل کر کے سائنسی بنیادوں پر تفتیش کو بروئے کار لا کر ایک ماہ کے اندر اندر ملزمان سلیمان ولد مشتاق احمد اور شہباز خاں ولد محمد یعقوب سکنائے کھاریاں کو ٹریس کر کے گرفتار کر لیا۔اور ملزمان کے قبضہ سے مقتولہ کا موبائل فون برآمد کر لیا۔DPOگجرات راناشاہد پرویز نے کہا کہ اگر پولیس اس طرح محنت اور جانفشانی سے اپنے فرائض سرانجام دے تو جرائم پیشہ افراد کا قلع قمع کیا جا سکتا ہے اور اس عزم کا اعادہ کیا کہ سماج دشمن عناصر کو گرفتار کر کے کیفر کردار تک پنچایا جائے گا۔
