کہوٹہ (جیو ڈیسک)کہوٹہ اور گلگت میں ٹریفک کے خوفناک حادثات میں سولہ افراد جاں بحق اور چالیس سے زائد زخمی ہوگئے۔ دونوں حادثات مسافر بس کھائی میں گرنے سے پیش آئے۔ کہوٹہ میں حادثے کا شکار ہونے والی بس پنجار سے راولپنڈی جارہی تھی جس میں ستر مسافر موجود تھے۔ بدقسمت بس کہوٹہ کے مقام پر موڑ کاٹتے ہوئے کھائی میں جاگری ۔ حادثے میں بڑی تعداد میں جانی نقصان ہوا۔
علاقہ مکینوں اور پولیس اہلکاروں نے امدادی کارروائیوں میں حصہ لیا۔ جاں بحق افراد کی میتوں اور پینتیس زخمیوں کو ملبے سے نکال کر اسپتال منتقل کیا گیا۔ بیس مسافروں کو ابتدائی طبی امداد دے کر فارغ کردیا گیا۔ زخمیوں میں بس کا ڈرائیور زبیر بھی شامل ہے جو اسپتال میں زیر علاج ہے۔ پولیس نے بس حادثے کی تحقیقات شروع کردی ہیں۔
ادھر گلگت میں استور کے مقام پر دوسرا ٹریفک حادثہ ہوا جب پری سینگ سے استور ہیڈ کوارٹرز جانے والی مسافر بس کھائی میں جاگری۔ بس میں پیتیس افراد سوار تھے۔ حادثے میں آٹھ افراد جاں بحق اور ستائیس زخمی ہوئے۔ زخمیوں کو سول اسپتال استور منتقل کیا گیا۔
مصر: حسنی مبارک کو اسپتال سے جیل منتقل کر دیا گیا
عوام کو انصاف کی فراہمی ہم سب کی ذمہ داری ہے۔ افتخار چوہدری
