کہوٹہ : (جیو ڈیسک) باراتیوں کی بس کھائی میں گرنے سے 30 افراد جاں بحق جبکہ متعدد زخمی ہو گئے۔ امدادی کارروائیوں کے لئے فوج کو بھی طلب کر لیا گیا۔
کہوٹہ سے چکوال جانے والی باراتیوں کی بس پنجار کے قریب کھائی میں جا گری۔ حادثے میں بچوں اور خواتین سمیت 30 افراد جاں بحق اور متعدد زخمی ہو گئے۔ بس میں 80 سے زائد افراد سوار تھے۔ دشوار گزار راستوں اور اندھیرے کے باعث امدادی کارروائیوں میں مشکلات کے باعث فوج کو بھی طلب کر لیا گیا۔ 30 زخمیوں کو کہوٹہ تحصیل اسپتال اور 20 کو راولپنڈی کے مختلف اسپتالوں میں منتقل کر دیا گیا۔
راولپنڈی کے ہولی فیملی اور بے نظیر اسپتال میں ایمرجنسی نافذ کر دی گئی ہے۔ مقامی افراد کے مطابق بس گرنے کے 2 گھنٹے بعد حادثے کا علم ہوا۔
پاکستان نے سری لنکا کو ہرا کر سیریز برابر کردی
شمالی وزیرستان: میر علی میں ڈرون حملے، 15 افراد ہلاک
