ہیومین اپیل انٹر نیشنل کے تعاون سے یتیم بچوں میں تین لاکھ چوبیس ہزار روپے عیدی تقسیم
Posted on August 13, 2012 By Geo Urdu سٹی نیوز
بھمبر(ڈسٹرکٹ رپورٹر) READ فاونڈیشن ریجن بھمبر نے ہیومین اپیل انٹر نیشنل ((HAI کے تعاون سے یتیم بچوں میں تین لاکھ چوبیس ہزار روپے عیدی تقسیم ۔تفصیلات کیمطابق READ فاونڈیشن ریجن بھمبر نے ہیومین اپیل انٹر نیشنل((HAI کے تعاون سے 182 یتیم بچوں کو عید کی خوشیوں میں شامل کرنے کیلئے تین لاکھ چوبیس ہزار روپے کی خطیر رقم کی نقد عیدی تقسیم کی-اس موقع پرریجنل منیجر READ فاونڈیشن ریجن بھمبر صابر حسین صابر،ظفر نذیر فیلڈ کوارڈینیٹر(PIDSA) پروجیکٹ سماہنی،سلطان بابر نمائندہ (HAI)اور مبشرحسین پروجیکٹ آفیسر ایتام ریجن بھمبر نے بچوں میں عیدی تقسیم کی۔
نیز بچوں کے ذمہ دران کو بچوں کی تعلیمی حالت کو مزید بہتر کرنے کی طرف توجہ دلائی گئی اس موقع پر طفیل حسین ظفر پرنسپل ریڈ فاؤنڈیشن کالج بھمبر ،چوہدری ظہیر ایجوکیشن ٹریننگ آفیسر بھی موجود تھے ۔اہلیان بھمبر نےRead فائونڈیشن کے اس اقدام کو سراہتے ہوئے کہا ہے کہ فاؤنڈیشن کیطرف سے یتیم بچوں کو عید کی خوشیوں میں شامل کرنے کیلئے نقد عیدی کی تقسیم احسن اقدام ہے ۔
