یونین کونسل دلاورپور کے گاؤں ناگڑیاں میں عابد رضا اور محمد حنیف کی حمایت میں بہت بڑے اجتماع سے خطاب کیا
Posted on November 15, 2012 By Geo Urdu سٹی نیوز
کوٹلہ (ارباب علی خاں) یونین کونسل دلاورپور کے گاؤں ناگڑیاں میں چوہدری عابد رضا اور مسلم لیگ (ن) کے امیدوار برائے حلقہ NA107 ملک محمد حنیف کی حمایت میں بہت بڑے اجتماع سے خطاب کرتے ہوئے سالار قافلہ چوہدری عابد رضا نے کہا کہ ہم نے پچھلے الیکشن میں بھی آپ سے جو وعدے کیے تھے اللہ کے فضل و کرم سے پورے کیے ہیں ،اب بھی انشاء اللہ ااپ کی اس محبت کا جواب خدمت کی صورت میں دوں گا ۔
انہوں نے کہا کہ ہم نے یونین کونسل دلاور پور میں 25سے 30کروڑ روپے کی خطیر رقم سے سڑک ،پل،سکولوں کی اپ گریڈیشن سمیت سب سے زیادہ کام کروائے ہیں کو کہ صرف اور صرف آپ عوام سے محبت کی وجہ سے ہیں چوہدری عابد رضا نے کہا کہ یہ جو آپ کا علاقہ ہے یہاں پر لوگ دن کو بھی سفر کرنے سے ڈرتے تھے مگر اللہ کے فضل سے ہم کرائم پر مکمل کنٹرول کر لیا ہے ،اور اس وقت دن رات کسی کو بھی کوئے پریشانی نہیں ہے ۔انہوں نے کہا کہ خدا راہ اپنی انا کو ختم کرو اور ملک پاکستان کوبچانے کے لیے متحد ہو جائو ۔اس کے لیے میا ں محمد نواز شریف سے بہتر کو قیادت نظر نہیں آتی ،4دسمبر کو ملک محمد حنیف کے انتخابی نشان شیر پر مہر لگا کر کامیاب کروائیں ۔
