وفاقی وزیرخزانہ اسحاق ڈار نے کہا کہ آئی ایم ایف پاکستان کو پانچ اعشاریہ تین ارب ڈالر کی بجائے چھ اعشاریہ چھ ارب ڈالر کا نرم شرائط پر قرضہ دینے پر رضامند ہے۔ مشترکہ مفادات کی کونسل کے اجلاس کے بعد وفاقی وزیر خزانہ اسحاق ڈار نے میڈیا سے بات کرتے ہوئے کہا کہ آئی ایم ایف پاکستان کو نرم شرائط پر پانچ ارب تیس کروڑ ڈالر کے بجائے چھ ارب ساٹھ کروڑ ڈالر کا قرضہ دینے کو تیار ہے۔
انہوں نے کہا کہ سات ستمبر کو آئی ایم ایف پاکستان کے ساتھ معاہدے کی منظوری دے گا اور اس کے بعد عالمی بینک ایشیائی ترقیاتی بینک اور دوسرے عالمی مالیاتی ادارے پاکستان کو کم شرح سود پر قرضے دینے کو تیار ہو جائیں۔ انہوں نے کہا کہ عالمی بینک نے بھاشا ڈیم کی تعمیر کیلئے اربوں ڈالر دینے کیلئے بھارت سے این او سی لانے کی شرط ختم کردی ہے۔
غیر ملکی سرمایہ کاری میں نمایاں اضافہ
کراچی اسٹاک ایکسچینج میں تیزی کا رجحان
