کائنات کے موجد نے ادھورے خوابوں ادھوری خواہشوں، بے کیف رنگوں، بے خوشبو روشنی سے خالی ایک دنیا کو جب جسم و روح کی ہم آہنگی سے زندگی بخشی تو وقت جاگ اٹھا۔ جاگتے لمحوں اور بے دار ساعتوں نے دیکھا کہ ”کن ” کے قلم نے ، چاندی سونے کے اگلتے حروف سے ” لوح ” کو چمکا دیا۔ زمین و آسمان کے خزانوں کے سب قفل ”کن ” کی چابی سے کھلتے ہی چلے گئے۔ اور محبتوں رنگوں روشنیوں کے سیلاب امڈ پڑے۔ لمحے جاگتے رہے۔۔۔۔۔۔۔۔۔۔۔ اور زندگی بڑھتی گئی۔۔۔۔۔۔۔۔۔۔ خواہش خواہش تکمیل۔۔۔۔۔۔۔۔۔۔۔۔ خواب خواب تعبیر لیے۔ زیست کی سانسوں میں سمٹے مشت خاک سے تخلیق شدہ آدم اور حوا کا وجود۔۔۔۔۔تخلیق در تخلیق۔۔۔۔۔۔۔۔۔ تخلیق در تخلیق۔۔۔۔۔۔۔۔۔ نہ ختم ہونیوالا فنا و بقا کا سلسلہ ازل سے ابد تک کرشموں کی ایک نئی داستان رقم کرنے زمین پر اترا تو لمحے جاگتے رہے اور زندگی بڑھتی گئی۔
بوند بوند ترسی زمین کو بیکراں سمندر، دلکش جھیلوں پر سکوت دریا، شور مچاتے ندی نالوں، گیت گاتے آبشاروں، مسکراتے جھرنوں سے سنوارا تو نیلے گگن نے اپنا نیلگوں رنگ زمین کے پانیوں میں گھول دیا اور زندگی چلتی رہی۔۔۔۔۔۔۔۔۔۔۔۔۔۔ بانجھ مٹی عطا کردہ زرخیزی پر ایسی اترائی کہ سرسبز و شادات مخملیں پوشاک اوڑھے خوشنما سرسبز لبادہ شوخ میں بھورے سوکھے رنگ کو مٹاتی ہی چلی گئی۔ خاک خطوں نے سرسبزو شادابی کیساتھ ساتھ برگ و گل کے گہنے پہننے کی جو خواہش کی تو صبا نے خوشبوؤں، رنگوں کے قافلے کیساتھ یہیں ڈیرے ڈال دیے۔ کونپلیں پھوٹیں شگوفے پھوٹے کلیاں مہکیں پھول کھلے۔۔۔۔۔۔۔۔۔۔۔ اور زندگی چلتی رہی۔۔۔۔۔۔۔۔۔۔۔۔۔۔۔
natural
دھرتی کے بچھونے پر تپتے سنہرے ذروں نے صحرا بنائے تو بچھونے کی حاشیہ برداری(کناروں) پر بلند و بالا سنگلاخ بھورے کالے مٹیالے پہاڑوں کے جامد سلسلوں کا تحفظ بخشا کہیں آسمان کو چومتے پربتوں نے اپن تن پر فخر سے زریں قبائیں لپیٹیں تو کہیں پہاڑوں کی آسمان گیر چوٹیوں نے سفید ٹھنڈے برف کے لبادے تن پر سجا لیے۔۔۔۔۔۔۔۔۔۔۔۔۔۔ اور زندگی چلتی رہے۔۔۔۔۔۔۔۔۔۔۔۔۔۔ زمین و آسمان کی حدوں کے درمیان فضا نے طلسم دھنک ست رنگی جو اوڑھی تو قوس وقزح نے اپنے اودے اودے، سرخ سرخ، سفید سفید، نیلے نیلے، پیلے پیلے، ہرے ہرے، کالے کالے رنگوں کی رنگین برسات نے حسن و دلکشی کے مناظر بکھیر دیے۔ برکھا رت کے دامن میں پھیلی شفق نے اپنی لالی کے رنگ چھلکا دیے۔ فضا کے کشکول میں قدرت کے چہار رنگی موسموں نے نئے نئے مناظر مہکا دیے۔ امیدوں کے خوابوں کے نئے نئے جزیرے آباد ہوتے چلے گئے۔ ۔۔۔۔۔۔۔۔۔۔۔۔۔ اور زندگی چلتی رہے۔۔۔۔۔۔۔۔۔۔۔۔۔۔۔۔
ازل سے ابد تک ہمیشہ قائم رہنے والے فنکار نے کائنات میں کیسے کیسے شاہکار سجائے۔ کیسے کیسے رنگ جگائے کہ اہل دنیا محو حیرت رہ گئے۔ ہنر مندان دہر کے ذہن میں نئے خیالات کے جالے بنتے گئے۔ کبھی حیرانی نظر، جانب افلاک تو کبھی جستجو نظر جانب خاک ابن آدم کو ملا معراج علم و فن جس کے آنے سے کائنات کے سب اسرار کھل گئے۔ گلاب ساعتیں شادابیاں تخلیق کرتی چلی گئیںَ۔۔۔۔۔۔۔۔۔۔۔۔۔ روشنیاں بڑھتی ہی گئیں۔۔۔۔۔۔۔۔۔۔۔۔ رنگ بکھرتے ہی گئے۔ دھوپ چھائوں کے نئے منظر ابھرتے رہے۔ وقت کی تال پر والہانہ رقص کرتی زندگی لمحوں کی جدتیں تکتی رہیں۔ نئے اور نئے منظر ابھرتے رہے۔ لمحے جاگتے رہے۔ ۔۔۔۔۔۔اور زندگی چلتی رہے۔۔۔۔۔۔۔۔۔۔۔۔۔۔۔ ان جنت نشینوں کو جنت سے زمین تک لمبی مسافت طے کرانے کی شرط پر ٹہرائی گئی کہ اہل زمین کیلئے نرم رو جذبوں کے تخم کی آبیاری سے امن وامان، عمل و انصاف، محبت و خلوص، وحدت و اخوت کے تنائو شجر اگائو ، شجر اگتے رہے شجر کی شاخوں پر جگنو، تتلیاں، کوئلیں، پپیہے، بلبلیں، طوطے، ابابیلیں، کاگ، چڑیاں، کبوتر، فاختائیں آگہی کے استعارے بنے گیت گاتے رہے۔ لمحے جاگتے رہے۔ ۔۔۔۔۔۔۔۔زندگی چلتی ۔۔۔۔۔۔۔۔۔۔۔۔۔ زندگی چلتی رہے۔
beautiful cities
کچھ ادھورے لفظوں کے افسانے بنے۔ کچھ کہانیاں مکمل ہوتی گئیں۔ ابن آدم کی اکائی تقسیم در تقسیم۔۔۔۔۔۔۔۔۔۔ تقسیم در تقسیم۔۔۔۔۔۔۔۔۔۔۔۔ ہوتی رہی، چہرہ پہ چہرہ بنتا رہا۔ زمین پر نئے نئے وطن ، نئے نئے شہر، نئی نئی بستیاں، نئے نئے نگر بنتے رہے۔ گردش ایام سفر کرتی رہی۔ لمحے جاگتے رہے اور زندگی چلتی رہی۔۔۔۔۔۔۔۔۔ زندگی چلتی رہی۔۔۔۔۔۔۔۔۔۔۔۔۔۔۔
انسانوں کے اس گھنے جنگل میں جب کبھی وحشتوں کا ان گنت لہروں کا سرکش طوفان اٹھا اہل زمین نے مسرت سے آسمان کی وسعتوں میں اپنے موجد کو پکارا تو سچے صحیفے اترتے رہے۔ برحق حروف دمکتے رہے۔ مقدس روحیں جنم لیتی رہیں۔ آگہی کے در وا ہوتے رہے۔ لمحے جاگتے رہے۔۔۔۔۔۔۔۔۔۔۔ اور زندگی چلتی رہے۔۔۔۔۔۔۔۔۔۔۔
quran pak
بھٹکنے کا احتمال ابن آدم کے خمیر میں شامل مہمل خیالوں کی جادوگری بھی ابن آدم کی سرشت میں الجھے الجھے گرہوں کو کھولنے کا فن گردش ایام سکھاتی رہی ہے۔ مگر ابن آدم کے ضمیر و قلب کی طہارت و استقامت مٹتی رہے۔ غرور و تکبر رگ وپے میں سماتا رہا۔ شیطانی اسرار بڑھتے رہے۔ فکری انتشار میں ڈوبے مسائل سے معاملے بگڑتے رہے سنورتے رہے۔ آگہی کے چراغ جلتے رہے، بجھتے رہے، لمحے جاگتے رہے۔۔۔۔۔۔۔۔۔۔۔۔۔۔۔ اور یوں زندگی چلتی رہی۔۔۔۔۔۔۔۔۔۔۔۔۔
پھر یکدم افق سے افق تک تاریکی ہی تاریکی۔۔۔۔۔۔۔۔۔۔۔۔ نہ کوئی استعارہ۔۔۔۔۔۔۔۔۔۔۔۔۔۔۔۔ نہ کوئی اشارہ۔۔۔۔۔۔۔۔۔۔۔۔۔۔ نہ کوئی ستارہ۔۔۔۔۔۔۔۔۔۔۔۔۔۔ جہالت کے گھٹا ٹوپ اندھیروں نے سچے صحیفوں کے دمکتے حروف کے تمام چراغوں کو نگل ڈالا؟؟؟ ۔۔۔۔۔۔۔۔۔کرن۔۔۔۔۔۔۔۔۔۔۔ کرن محتاج کائنات رنگ و بو۔۔۔۔۔۔۔۔۔۔ اس کائنات کے پس پردہ وراء الوراء حقیقت کبریٰ کو آواز دینے لگی۔ ہتھیلی ہتھیلی مضطرب دعائیں دل دل بیقرار مناجاتیں، آسمان کی وسعتوں میں اپنے موجد خاص کو تلاش کرتی نگاہوں کی بے تابی بڑھتی گئی، دل سلگتے رہے۔ لمحے جاگتے رہے۔۔۔۔۔۔۔۔۔۔۔۔ اور زندگی چلتی رہی۔۔۔۔۔۔۔۔۔۔۔۔۔۔۔۔ پھر صدیوں پر محیط اندھیروں میں حرا کے ماتھے پر تجلیاں جھلملا اٹھیں( ۖ ) تاریکیاں بھاگ گئیں۔ الجھی الجھی گتھیاں سلمجھ گئیں۔ حدت شوق سے زنگ آلود دلوں کی سنگینیاں پگھلتی گئیں۔
رہنمائی کے ستارے ابھرے۔۔۔۔۔۔۔۔۔۔۔۔ رہبری کے استعارے ابھرے۔۔۔۔۔۔۔۔۔۔۔۔۔ روزن زنداں کے قفل ٹوٹ گئے۔۔۔۔۔۔۔۔۔۔۔۔۔ شعور و ادراک و آگہی کے سب در وا ہو گئے۔۔۔۔۔۔۔۔۔۔۔۔۔۔۔ حرفوں کی تفہیم سے نیا صحیفہ مکمل و معتبر صحیفہ آن بان اور شان سے ذریت آدم کو تھما دیا گیا۔۔۔۔۔۔۔۔۔۔ کہ یہی ابن آدم کی زندگی کا قبلہ، یہ ہدایت کا آخری زینہ، یہی برکات کا نگینہ، یہی رحمت گنجینہ۔۔۔۔۔۔۔۔۔۔۔۔۔۔،یہی زندگی کے سمندر پر بے خوف سفر کرنیوالا سفینہ۔۔۔۔۔۔۔۔۔۔۔۔۔ ہر اندیشہ و خوف سے ہر حزن و ملال سے ہر حسرت ویاس سے آزادی کا آخری پروانہ۔۔۔۔۔۔۔۔۔۔۔۔ اخلاص و محبت اور اطاعت وفا کے چمکتے دمکتے نقوش کی پیروی ہوتی رہی۔ نیکی کے چشمے پھوٹتے رہے لمحے جاگتے رہے۔ ۔۔۔۔۔۔۔۔۔۔۔۔۔ زندگی چلتی رہے۔
گردش ایام نے عفریت کے آسیب نے وطن وطن ، شہر شہر، بستی بستی، قریہ قریہ، نیکیوں کے چراغ بجھا دیے۔ نئے وحشت نگر آباد کیے کہ زندگی کے خواب بنتی آنکھیں ہراساں رہ گئیں۔ ایک آدم کی اکائی سے چہرہ چہرہ تقسیم ہونیوالے، بے چہرگی کا خراج کیسے دینے لگے؟؟؟؟؟؟ یہ کیسے ماورائی جذبوں نے کیسے جذبہ سفاکی کو جنم دیا کہ اولاد آدم سفید ہاتھیوں اور مظلوم چیونٹیوں میں تقسیم ہوتی جا رہی ہے۔ شب حیات کی تاریکیوں کے گھنے جنگل میں چاند ابھرتے رہے، ڈوبتے رہے، اندھیرے پھیلتے، اجالے بکھرتے رہے، لمحے جاگتے رہے۔۔۔۔۔۔۔۔۔۔۔۔۔ اور زندگی چلتی رہی۔۔۔۔۔۔۔۔۔۔۔۔۔۔۔سچے صحیفوں کے برحق لفظوں اور آسمانی سطروں کے خزانوں کو قفل ڈال کر طاقوں پر سجا دیا۔ ابن آدم نے اب اپنے جادوئی لفظوں، اپنی تشنہ سطروں کی الجھی الجھی حکایتوں کے ایجاد کردہ سحر میں اپنی توانائیاں کھو دیں۔ اپنے پوشیدہ سرار گم کر بیٹھے، ایسی دشت مسافت کہ کہیں شام کے آثار ہی نہیں بس حد نظر تک فریب ہی فریب کے گرداب ہی گرداب، دائرہ در دائرہ ابن آدم کے چہرے کے عجب نقوش بنتے رہے بگڑتے رہے۔
تماشہ بین بھی آدم بنا۔۔۔۔۔۔۔۔۔۔۔۔۔۔ تماشہ نما بھی آدم بنا۔۔۔۔۔۔۔۔۔۔۔ کہ زندگی خود تماشہ بین بنی، بنی آدم کی بے چہرگی کا زخم لیے دھندلانے لگی۔ تقش ثانی کے ہیولے کے عکس بنے جھلملائے پاکیزہ روحوں کی بازگشت بھی گونجی۔۔۔۔۔۔۔۔۔۔۔۔۔ مگر اندھیری بہری آدمیت، خودپسندی کی لذت میں تماشہ کرتے ہی گئی اور تماشہ بنتی ہی گئی۔ نیکیوں کے نقوش مٹتے رہے۔ گم گشتہ راہوں کے نشان زمین پر رلتے رہے۔ حال کے لمحات ماضی میں ڈھلتے رہے۔ مستقبل کے شوق میں لمحے جاگتے رہے۔۔۔۔۔۔۔۔۔۔۔ اور زندگی چلتی رہی۔۔۔۔۔۔۔۔۔۔۔۔۔۔۔ بے
bomb blast
چہرگی کا عنوان لیے صرف آدمیت کا نام لیے یہ کیسے دورِ جنوں کا اغاز ہے۔ عفریت کے آسیب نے یہ فنا کا کیسا نقارہ بنایا۔ جہنم کا کیسا تماشہ دکھایا کہ موت کے حصار میں ہراساں زندگی چیخ پڑی کہ ابھی حشر کا اعلان گونجا ہی نہیں یہ صور کی آواز کیسی ہے۔ پھر یہ جہنم کی آگ کیسی ہےَ؟؟؟؟؟؟؟۔۔۔۔۔۔۔۔۔۔۔۔کیا آدمی خدا بن بیٹھا ہے؟؟؟؟؟؟؟؟ نوحہ پڑھتی ہوائوں، ماتم کرتی فضاؤں نے غم دیدہ نم دیدہ وحشیانہ طرز جنگ کی بات جو بتائی۔۔۔۔۔۔۔۔۔۔۔۔۔۔۔۔۔۔۔ تو پھر یہ کیسی جنگ کی رسم کا آغاز ہے جہاں نہ محاذوں کی دہلیز پر مجاہد نے سپاہی، نہ مورچہ بندی، نہ صف بہ صف۔۔۔۔۔۔۔۔۔ نہ گھوڑوں کی ٹاپیں، نہ توپوں کی گھن گرج، نہ سر سینہ دوش نہ تانبا، نہ لوہا، نہ تلواریں نہ زرہیں۔ یہ ” آتش بارود اور دھویں ” نے کیسا تماشہ سجایا۔ ننگ آدمیت کا تماشہ دکھایا کہ ظلمتوں کا ایک سیل بے اماں دنیا نے پایا۔ بساط نور پر ظلمتوں کے آثار دیکھ کر آدمیت کے انجام کو لرزیدہ لرزیدہ ساعتیں پیغام دے رہی ہیں۔۔۔۔۔۔۔۔۔۔۔۔۔۔۔۔ ” لہو کا ایک رنگ رکھنے ابن آدم تم سب ایک مشتِ خاکی سے تخلیق شدہ جسموں کے مالک ہو ایک ہی جوڑے آدم اور حوا کی ذات کر پرتو ہو تو پھر۔۔۔۔۔۔۔۔۔۔۔۔۔۔۔۔۔ تم میں یہ تقسیم و تفریق کیسی۔۔۔۔۔۔۔۔۔؟؟؟؟؟؟۔۔۔۔۔۔۔۔۔۔۔ شاخ زیتوں چونچ میں لیے فاختائیں جلتی جا رہی ہیں۔ لمحے سلگتے جا رہے ہیں۔ زندگی لرزتی جا رہی ہے اور گزرتی جا رہی ہے اب بھی سنبھل جائو؟؟؟؟ آیت: ان اللہ لا یظلم الناس شیئا و لکن الناس انفسھم یظلمون۔ (ترجمہ) اللہ انسانوں پر زیادتی نہیں کرتا بلکہ انسان خود اپنے اوپر ظلم کرتے ہیں۔
جو کیا سو پایا
مکافاتِ عمل
