آسٹریلین اوپن (جیوڈیسک) پاکستان کے ٹینس اسٹار اعصام الحق اور ان کی پارٹنز سوئیڈن کی صوفیا اروڈسن آسٹریلین اوپن مکسڈ ڈبلز کے پہلے راؤنڈ سے باہر ہو گئے ہیں۔ میلبورن میں جاری سال کے پہلے گرینڈ سلم میں پاکستان اور سوئیڈن کے کھلاڑیوں پر مشتمل جوڑی کو بھارت کے لینڈر پیس اور روس کی ایلینا ویسنینا نے پہلے راؤنڈ میں ہرا کر مکسز ڈبلز ایونٹ سے باہر کر دیا۔
پہلے سیٹ میں سخت مقابلہ کے بعد پاک سوئیڈش جوڑی نے سات چھ سے کامیابی حاصل کی۔ دوسرے سیٹ میں مخالف جوڑی نے اچھا کھیل پیش کیا اور سیٹ چار چھ سے جیت کر مقابلہ برابر کر دیا۔ تیسرے اور آخری سیٹ میں ٹائی بریکر پر سات دس کے اسکور سے اعصام اور صوفیا کی جوڑی کو شکست ہوئی۔
بگ بیش : برسبین ہیٹ نے پرتھ اسکارچرز کو ہرا کر ٹائٹل جیت لیا
تیسرا ون ڈے : بھارت نے انگلینڈ کو 7 وکٹ سے شکست دے دی
