اسلام آباد (جیوڈیسک) پاکستان تحریک انصاف کے چیئرمین عمران خان نے کہا ہے کہ اسمبلی کی مخصوص نشستوں کے نظام نے بدعنوانی کو فروغ دیا ، تحریک انصاف اقتدار میں آکر اقلیتی برادری کو حقوق اور عزت دے گی۔
بین المذاہب ہم آہنگی لیگ کے زیر اہتمام تقریب سے خطاب میں عمران خان کا کہنا تھا کہ قومی اسمبلی کی مخصوص نشستوں پر صرف اچھی انگریزی بولنے والی خواتین کا حق نہیں ، منتخب خواتین کو ایوان میں بیٹھنا چاہئے۔
مفاد پرست سیاستدان پیپلز پارٹی اور مسلم لیگ (ن)میں واپس جا رہے ہیں مگر شاہ محمود قریشی اور جاوید ہاشمی جیسے اچھی ساکھ کے حامل سیاستدان تحریک انصاف کا اثاثہ ہیں۔ تقریب میں علما مشائخ کونسل کے رہنماء ، سکھ اور ہندو برادری کے نمائندے بھی شریک تھے۔
الطاف حسین اور طاہر القادری کے درمیان ٹیلی فونک رابطہ
دسمبر کے تیسرے ہفتے کے دوران مہنگائی میں اضافہ
