اسلام آباد : مسلم لیگ ق کے صدر چوہدری شجاعت حسین نے کہا ہے کہ پیپلزپارٹی اور ان کی جماعت کے درمیان یہ طے ہے کہ ہزارہ اور جنوبی پنجاب نئے صوبے بنیں گے۔ وہ اسلام آباد میں ہزارہ ڈویژن کے نمائندوں ، پارٹی عہدیداروں کے اجلاس سے خطاب کے بعد میڈیا سے گفتگو کررہے تھے ۔ چوہدری شجاعت نے کہا کہ اس ضمن میں تمام سیاسی جماعتوں کے ساتھ رابطے کئے جائیں گے۔ صدر اور وزیراعظم سے جلد کہہ کر ہزارہ کو صوبہ بنانے کیلئے کمیشن قائم کرائیں گے ۔ ان کا کہنا تھا کہ ہزارہ کے تمام لوگ پارٹی وابستگی سے بالاتر ہوکر ہزارہ کو صوبہ بنانے پر متفق ہیں۔ چوہدری پرویز الہی نے اس موقع پر کہا کہ صوبہ بنا تحریک میں ہزارہ کے عوام کی قربانیاں رائیگاں نہیں جائیں گی۔
حیدر آباد : کمشنری نظام کو فرد واحد ختم نہیں کر سکتا۔ قائم علی شاہ
کراچی : عدم استحکام کی سیاست نہیں چاہتے۔ الطاف حسین
