اضلاع کی خبریں 3.10.2013
Posted on October 4, 2013 By Geo Urdu سٹی نیوز
وزیر اعظم یوتھ پروگرام ایک انقلابی اقدام ہے : بابو عظمت علی انور
گوجرانوالہ (جی پی آئی) مسلم لیگ ن کے راہنمابابو عظمت علی انور نے کہا ہے کہ وزیر اعظم یوتھ پروگرام ایک انقلابی اقدام ہے جس سے نوجوان نسل کو ترقی کے بھر پور مواقع میسر آئیں گے۔ انہوں نے ایک بیان میں کہاہے کہ نوجوانوں کو بیس لاکھ روپے کے آسان قرضے، طالبعلموں میں لیپ ٹاپس کی فراہمی، ٹیوشن فیس، یوتھ ٹریننگ پروگرام سمیت دیگر اقدامات سے ملک میں ترقی کا نیا دور شروع ہوگا۔ انہوں نے مزید کہ وزیر اعظم میاں نواز شریف اور وزیر اعلی میاں شہباز شریف کی زیر قیادت ملک میں جاری بحرانوں کا خاتمہ ہوگا اور پاکستان ہر لحاظ سے مضبوط ہوگا۔ میاں نواز شریف کی بھارتی ہم منصب منموہن سنگھ سے امریکہ میں ہونے والی حالیہ ملاقات سے خطہ میں استحکام اور دو طرفہ تعلقات بہتر ہوں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے سینئر راہنما و سابق وفاقی وزیر غلام دستگیر خان نے کہا ہے کہ مسلم لیگ ن کو بڑھتی ہوئی مہنگائی پر سخت تشویش ہے
گوجرانوالہ (جی پی آئی) مسلم لیگ ن کے سینئر راہنما و سابق وفاقی وزیر غلام دستگیر خان نے کہا ہے کہ مسلم لیگ ن کو بڑھتی ہوئی مہنگائی پر سخت تشویش ہے، ملک میں ہونے والی مہنگائی اور تباہی کے تما م سرے مشرف اور زرداری سے ملتے ہیں، نئی حکومت نے حقائق عوام کے سامنے پیش کر دئیے، عوام حالات میں بہتری کے لئے مسلم لیگ ن کی حکومت اور نواز شریف کا ساتھ جاری رکھیں ،ان خیالات کا اظہار انہوںنے اپنی رہائش گاہ پر کارکنوں کے وفود سے بات چیت کرتے ہوئے کیا،انہوں نے کہا کہ مشرف اور زرداری کے ہاتھوں تباہ ہونے والی معیشت کو بٹن دبا کر بحال نہیں کیا جا سکتا اور نہ ہی حکومت پلک جھپکتے ہی مہنگائی کے جن کو بوتل میں بند کر سکتی ہے، ملک میں دہشت گردی نے ڈیرے ڈال رکھے ہیںاور سرحدوں کے پار بیٹھے دشمن پاکستان پروار کرنے کے لئے تیار بیٹھے ہیں ان حالات میں مسلم لیگ ن کی حکومت سخت فیصلے کرنے پر مجبور ہے لیکن عوام اطمینان رکھیں جیسے ہی حالات میں بہتری آئی اسکے ثمرات فوری طور پر عوام کو منتقل کر دئیے جائیں گے انہوں نے کہ مسلم لیگ ن کی حکومت کے درست اقدامات کی بدولت کراچی کے حالات میں بہتری آئی ہے اور وہاں سے ٹارگت کلرز اور بھتہ خور بھاگ رہے ہیں، کراچی میں جاری آپریشن کسی سیاسی جماعت کے خلاف نہیں بلکہ جرائم پیشہ عناصر کے خلاف ہے اور اگر ایم کیو ایم اور کسی دوسری جماعت کے کارکنوں کے ایسی کارروائیوں میں ملوث ہونے کے شواہد سامنے آرہے ہیں تو وہ جماعتیں سیخ پا ہونے کی بجائے اپنی صفوں سے کالی بھیڑوں کو نکالنے کے لئے فوری اقدامات کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
”3 مہینے وچ پتہ چل جاندا اے ووہٹی نے وسنا کہ نئیں”
لاہور (جی پی آئی) پاکستان مسلم لیگ پنجاب کا مسلم لیگ ہائوس میں عام انتخابات کے بعد ہونے والا یہ پہلا بڑا اجلاس تھا جس میں موجودہ و سابق ارکان اسمبلی، رہنمائوں، عہدیداروں، امیدواروں اور سابق ناظمین نے بھرپور شرکت کی۔ چودھری پرویزالٰہی نے حکومت کے ابتدائی 100 دن کی ناقص کارکردگی کے متعلق کہا کہ دیہات میں آنے والی دلہن کے بارے میں کہتے ہیں کہ ”تین ماہ میں پتہ چل جاندا اے کہ ووہٹی نے وسنا اے یا نئیں”۔ ایس ایم ظفر نے کہا کہ چودھری پرویزالٰہی کے خطاب سے یوں لگ رہا تھا جیسے کوئی سپہ سالار میدان جنگ میں اترنے سے پہلے اپنے دستوں کی صف آرائی کر رہا ہو۔ دیگر صوبوں کے قائدین کے خطاب پر حاضرین نے تالیاں بجا کر بھرپور داد دی۔ رہنمائوں اور کارکنوں کی تجاویز نہایت توجہ اور انہماک سے قائدین سنتے رہے۔ نوجوانوں نے مونس الٰہی کے حق میں فلک شگاف نعرے لگائے۔ چودھری ظہیر الدین نے کہا کہ مسائل کیسے حل ہو سکتے ہیں جب وزیراعلیٰ پنجاب وفاقی حکومت چلا رہے ہیں اور وزیراعظم سیر سپاٹوں میں مصروف ہیں۔ اجلاس میں بلدیاتی الیکشن کی تیاری پر زور دیتے ہوئے کہا گیا کہ نئے بلدیاتی نظام کو عدالت میں چیلنج کیا جائے گا جبکہ موجودہ صورتحال ان لوگوں کیلئے بھی لمحہ فکریہ ہے جنہوں نے ن لیگ کو ووٹ دئیے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلی شہباز شریف سے مولانا فضل الرحمن کی ملاقات، باہمی دلچسپی کے امور اور سیاسی صورتحال پر تبادلہ خیال
لاہور(جی پی آئی) وزیراعلیٰ پنجاب محمد شہباز شریف سے جمعیت علماء اسلام (ف ) کے سربراہ مولانا فضل الرحمن نے آج یہاں ملاقات کی۔ ملاقات میں باہمی دلچسپی کے امور، اہم قومی معاملات اور ملک کی مجموعی سیاسی صورتحال پر تبادلہ خیال کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر اعظم یوتھ پروگرام ایک انقلابی اقدام ہے جس سے نوجوان نسل کو ترقی کے بھر پور مواقع میسر آئیں گے : حنا پرویز بٹ
لاہور( جی پی آئی)پاکستان مسلم لیگ(ن) کی رہنماء و ممبر صوبائی اسمبلی حنا پرویز بٹ نے کہا ہے کہ وزیر اعظم یوتھ پروگرام ایک انقلابی اقدام ہے جس سے نوجوان نسل کو ترقی کے بھر پور مواقع میسر آئیں گے۔ 20 لاکھ روپے کے آسان قرضے، لیپ ٹاپس کی فراہمی سمیت دیگر اقدامات سے ملک میں ترقی کا نیا دور شروع ہوگا۔ وزیر اعظم میاں نواز شریف اور وزیر اعلی میاں شہباز شریف کی زیر قیادت ملک میں جاری بحرانوں کا خاتمہ ہوگا اور پاکستان ہر لحاظ سے مضبوط ہوگا اور ایشین ٹائیگر بن کر ابھرے گا۔ انہوں نے کہا کہ مسلم لیگ (ن) ملکی معیشت کو مضبوط بنا کر دم لے گی’ عوام اب کسی جھوٹے پراپیگنڈے سے متاثر نہیں ہونگے’مسلم لیگ (ن) عوام کی ہمدرد جماعت ہے ‘انشاء اللہ عوام کی بہتری اور فلاح کے لئے بھرپور اقدامات کئے جائیں گے۔ انہوں نے کہا کہ حکومت کی نیک نیتی اور ٹھوس اقدامات کی بدولت لوڈشیڈنگ میں اب کافی حد تک کمی واقع ہو چکی ہے جبکہ ملک سے دہشتگردی کے خاتمے اورامن وامان کی صورتحال بہتر بنانے کے لئے اقدامات کا آغاز بھی ہوچکا ہے۔ انہوں نے کہا کہ میاں نواز شریف اور میاں شہباز شریف کی قیادت میں پاکستان مسلم لیگ (ن) آئندہ بلدیاتی انتخابات میں بھی بھاری اکثریت سے کامیابی حاصل کرے گی۔
