پاکستان کرکٹ بورڈ کے سرپرست اعلی صدر آصف علی زرداری نے چیئرمین پی سی بی اعجاز بٹ کی مدت ملازمت میں توسیع کے حوالے سے ابھی کوئی فیصلہ نہیں کیا۔ ایوان صدر کے ترجمان فرحت اللہ بابر نے ذرائع کو بتایا کہ اعجاز بٹ کو چیئرمین پی سی بی برقرار رکھنے یا نہ رکھنے کے حوالے سے حتمی فیصلہ اکتوبر میں کیا جائے گا۔ واضح رہے کہ اعجاز بٹ نے صدر زرداری سے مدت ملازمت میں چھ ماہ کی توسیع کی درخواست کی ہوئی ہے۔ اعجاز بٹ کے عہدے کی میعاد آئندہ ماہ اکتوبر میں ختم ہورہی ہے ، اپنی درخواست میں اعجاز بٹ نے کہا ہے کہ پاکستان کرکٹ کو درپیش چیلنجز سے نمٹنے کے لئے انہیں چھ ماہ کا مزید وقت درکار ہے۔
سوات : خودکش حملہ آور دو ساتھیوں سمیت ہلاک، دو گرفتار
کراچی میں مجرموں کیخلاف بھرپور ایکشن ہونا چاہیئے۔ نواز شریف
