انتخابات میں کامیاب ہو کر انقلاب کی بنیاد رکھیں گے ، سولنگی اتحاد
Posted on December 6, 2012 By Geo Urdu سٹی نیوز
سکھر ( پ ر) سولنگی برادری پاکستان کے ہر ضلع ‘ شہر ‘ گاؤں اور دیہات سے اپنے نمائندے کھڑے کرے گی اور مقامی آبادی سے تعلق رکھنے والے سولنگی قوم کے یہ باکردار افراد اپنے عمل و خدمت کی باعث علاقے میں اعلیٰ سماجی مقام کی بدولت سیاست میں بھی اپنے سیاسی حریفوں پر سبقت حاصل کرکے انتخابات میں کامیابی کے ذریعے انقلاب کی بنیاد رکھیں گے۔ یہ بات پاکستان سولنگی اتحاد کے سربراہ امیر سولنگی سکھر میں عوامی اجتماع سے خطاب کرتے ہوئے کہی ۔
انہوں نے کہا کہ موروثی و روایتی سیاستدانوں نے اس ملک و قوم کو جس طرح سے لوٹا ہے اب بھی اگر ان سے نجات کی حقیقی کوشش کرنے کے بجائے ان لٹیروں کے ہاتھہ مزید مضبوط کئے گئے تو پھر ہمارا اور ہمارا نسلوں کا مستقبل بہت بھیانک ہوگا کیونکہ ملک وقوم کو لوٹنے والے یہ بیرونی ایجنٹ اب ملک و قوم سے آزادی بھی چھین لینا چاہتے ہیں اسی لئے پاکستان کو بچانے کیلئے سولنگی اتحاد نے پورے پاکستان میں موجود سولنگی قوم کو یکجا و متحد کرلیا ہے اور پاکستان میں رہنے والا ہر سولنگی ‘ پاکستان سولنگی اتحاد کے ساتھ مربوط و منظم ہے ۔
ضمنی انتخابات میں مسلم لیگ ن کی واضع کامیابی کے بعد ڈیرہ چوہدری عبدالمالک پر ایک جشن کا سماں بندھ گیا
